แสดงกระทู้

This section allows you to view all posts made by this member. Note that you can only see posts made in areas you currently have access to.



รับทำเว็บ สมุทรปราการ


Topics - ไอ้เก่ง คนเลย

หน้า: [1]
1
เพิ่นกะเป็นบุคลที่ให้ความบันเทิง กับหมู่เฮา .....ชาวลูกทุ่งหมอลำ ดอทคอม.....

มาด้วยดีตลอดเนาะครับ...........

บ่หว่าสิเป็นผลงานด้านหน้าเวที.......หรือด้านเสียงเพลง.....บันทึกการแสดงสด...

ในโอกาสนี้กะขอแบ่งปันน้ำใจ จากพี่น้อง คนละเล็กละน้อย.....คืนแก่พี่เริงชัย........

ผมกะขอเรียนเชิญ พี่น้องเฮาน้อครับ.........ร่วมสบทบน้ำใจให้กับเพิ่นครับผม........


ชื่อบัญชี นาย เริงชัย เรือนคำ

ธนาคารกรุงไทย สาขา ถนนศรีจันทร์

เลขที่บัญชี  405-0372-428 ...............


จั่งได๋กะขอขอบคุณทุก ๆ กำลังใจ เด้อครับ......





ขออนุญาต เอาภาพ เหตุการณ์ มาลงให้เบิ่งอีกครั้งนะครับ......








2

การมอง แค่ภายนอก.......หรือได้ฟัง แค่คำคนอื่นเว้า.......

มันบ่สามารถที่สิตัดสินได้ว่าคน คนนั้น............สิดีหือสิซั่ว......






3
หลังจากที่ได้เบิ่งหมอลำซิ่งรุ่นใหญ่ มืออาชีพกันแล้ว ลองมาเบิ่งรุ่นใหม่ ๆ กันครับพี่น้อง



4
ตามลิ้งค์ข้างล่างเด้อครับ  

http://music.gmember.com/ศิริพร-อำไพพงษ์-ชุดที่-๑๔-สตรีหมายเลข-๑/Album-7636

มักเพลงได๋กะบอกกันแหน่เด้อครับ

แต่โดยส่วนตัวแล้วมักเพลง มาก่อนได้หน้า มาช้าได้ใจ ที่สุดเลยครับ

ขอบอกหว่าบ่ได้ ละเมิดเด้อครับ เพราะเป็นลิ้งค์ของ GMM ที่เพิ่นเอามาโปรโมต โดยตรงเลยครับ

5
ปิดวงไปแล้ว กะยังคิดฮอดบ่หายเด้อครับ.......สำหรับทีมงานพิณแคนกะดาย.....

จั่งได๋กะขอส่งใจไปทาง พี่นาง ศิริพร.....แล้วกะทีมงานสุคนนะครับ......

ไปพ้อมากะเลย เอามาฝากกันครับ.........ไผ๋ยังทันเวทีแบบนี้บ่น้อครับ.....

เวทีปีนี้ ผมอยู่ประมาณ ม.1 นี้หล่ะ......เบิ่งอยู่สนามสามเหลี่ยม ข้างโรงเรียนชุมแพศึกษา.....

สำหรับพี่น้อง ตอนนั้นเฮ็ดอิหยังอยู่ครับ......หืออยู่ในช่วงเข้ากรุงเทพใหม่ ๆ .....

หือไปเบิ่งงานวัดแถวได๋....กะเอามาแชร์กันนะครับ........ซามซาหมอลำเปิดวง......

สิได้มีแต่แนวดี ๆ เว้าจากันครับ.....ระลึกสิ่งดี ๆ ที่มีต่อ....พิณแคนแดนอีสานของเฮาครับ.......



ปล. เพลงนี้ เคยเป็นที่ถกเถียงกัน....ในที่นี้อยู่ช่วงหนึ่ง......พอเห็นแล้วกะคงกระจ่างน้อครับ....

6
มื้อวันก่อน ได้ไปเบิ่งหนังเรื่องนี้กับหมู่ บอกเลยหว่า มีมุขเด็ด ๆ ที่เป็นตาอยากหัวแฮง

มีกิจกรรมบางอย่างที่เชื่อหว่า........คนอีสานสุคนต้องเคยเฮ็ดมา ........

มีคำเว้าเถียงกัน....... บางคำที่คนอีสานส่วนหลายด่ากันเคย .........

แล้วกะมีมุมเล็ก ๆ .......อีกหลาย ๆ มุม....มีอีกหลาย ๆ อารมณ์ ที่คนอีสานส่วนใหญ่เคยเป็น สมัยเป็นเด็กน้อย...

แต่ฉากแรก กะต้องเงียบกันไปทั้งโรงแล้วครับ รับประกันได้.......

ฉากสุดท้าย กะซาบซึ้ง จนต้องน้ำตาไหล.......โดยบ่ฮู้โต.......

แล้วกะมีอีกหลายฉากที่ต้องหัวเราะจนท้องแข็ง....โดยเฉพาะ....ฉากที่มีหลวงพ่อ....ร่วมในฉากนั้น.....

แต่การต่อบท ของโตละคร ในกลุ่มเด็กน้อย อาจบ่ต่อเนื่องปานได๋......แต่เป็นบางฉากนะครับ....

ฉากท้องทุ่งนา.......ได้ไปเลยครับเต็ม ๆ คิดถึงสมัยเด็กน้อย....เบิ่งแล้วกะคิดฮอดบ้าน....

โท่งนา โท่งหญ้า...... หนองน้ำ..... คอกควาย..... บ้านไม้เก่า ๆ หลัง บ่ใหญ่ปานได๋.......

แต่โตแสดงที่แสดงเป็นเรณู........น่าสิได้ ตุ๊กตาเงิน ดาวรุ่งหญิงยอดเยี่ยมไปเลยนะ......

ถ้าเป็นโตโกงกะคิดตี้น้อย แห่งรัตนศิลป์.......พู้นหล่ะครับ..........

อยากให้พี่น้องเฮาสุคนไปเบิ่งกันนะครับ..........

ปล. ฮู้ข่าวมาหว่า ผู้สร้างกะคือ พระเอก บิณฑ์ บรรลือฤทธิ์....เพิ่นเอาไปเสนอ ค่ายได๋

เพิ่นกะบ่หัวซา เพราะให้เหตุผลหว่า......

หนังบ่มีจุดขาย บ่มีนักแสดงนำที่มีชื่อเสียง.... เพิ่นกะเลยบ่เอาเข้าสังกัด....

แต่จั่งได่ กะอยากขอกำลังใจ...........ให้เพิ่นน้อครับ ที่เพิ่นสร้างสรรค์.....หนังอีสานบ้านเฮา....












7
การมากรุงเทพ ฯ ของแก่นนครครั้งนี้กะถือหว่าเป็นการมาครั้งที่ 2 นะครับ........

เพราะปีที่ผ่าน  ๆ มา เพิ่นกะมากรุงเทพ ประมาณปีละ 2 ครั้ง อยู่แล้วนะครับ......

การมาแต่ละเถื่อ กะสิบ่ซ้ำกันปานได่ สังเกตจากเวทีการแสดง ที่สิเปลี่ยนตลอด.......

มะคืนนี้ผมไป เบิ่งแก่นนครมาครับ อยู่บางปู เส้นทางไป บ่ยากเลย แสดงอยู่ติดถนนใหญ่เลย

คนเบิ่งกะพอประมาณ บ่น้อย บ่หลาย แต่เบิ่งแล้วกะบ่ขาดทุน ครับ.......แต่สถานที่กว้างมาก  ๆ

รูปแบบการแสดงด้านหน้าเวที ให้ 9 เต็ม 10 ครับ ....แต่ถ้าเว้าถึง ความตั้งใจของเพิ่นได้เกิน 10 ครับ...

ชุดหางเครื่องตอบเปิดวง สวยงามมากครับ.......เพลงเร้าใจดี....เต้นมันส์ดี หางเครื่องแถวหน้านะครับ....

บางชุดตัดใหม่ สวยมาก  ๆ โดยเฉพาะเพลง เนียง เนอว อินา ....ถ้าเบิ่งใกล้ ๆ รายละเอียดชุดเยอะนะ...

ถึงสิเอา ของเก่ามาปนใหม่ แต่กะถือหว่าผ่านครับ........สวยงามดี เบิ่งไปยิ้มไป.....งามตามาก  ๆ......

แต่บางเพลง ชุดหางเครื่องกะทำง่ายเกินไป.......แต่กะถือหว่าแปลกตาดี.......

ชุดหมอลำ งามอิหลีครับ.......ยิ่งตอน ออกฉากแรก มีฟ้อนเสิร์ฟ มาเต็มเวทีเลย....งดงามมากครับ.....

ตลก กะสนุกดีนะครับ......แต่เพิ่นเล่น แค่ราว ๆ  10 กว่านาทีเอง...เพิ่นหว่าบ่เล่นโดนดอก เดี่ยว เพิ่นสิป้อยตลก พะนะ.....

ออกมาแค่ 2 ช่วง ช่วงละราว ๆ  10 นาที  มี 2 คนที่เด่น ๆ กะเบิ่งดูขำดี ตลก ๆ  ขำ ๆ สนุกดีครับ........

เพิ่นเล่นเอง ขำเอง กะเฮ็ดให้คนดุขำตามนำ.....เป็นธรรมชาติดีครับ............น่ารักไปอีกแบบ.......

และเรื่องสุดท้าย..........ที่ต้องให้ 9.5 เต็ม 10 กะคือ เครื่องเสียงครับ.........

สุดยอดกับเครื่องเสียง  เสียงแน่นมาก  ๆ และฟังแล้วสบายหู........แต่ เวลาหมอลำ เว้ากัน อาจจะฟังยากจักหน่อย...

เพราะเพิ่นใส่เซอร์ราวด์ และ เอคโค่นำครับ..........กะเลยสิอาจรำคาญหูนิด ๆ .........

แต่เพิ่นเว้ากันบ่โดนครับ....เว้ากัน 5-6 ความ แล้วกะเต้ยครับ..........

เต้ย 6 กลอนรวด.......จุใจอิหลี มีแต่เพลงหม่วน ๆ กับเสียงกลองแน่น ๆ ...ลำโพงฟังแล้วสบายหู...

แต่มะคืนนี้ บ่มี เพลง ลมพัดตึ๊ง สาวเลยยังรอ.............กับเพลง ชมรมผัวเผลอ เด้อครับ......

แต่คืนนี้ น่าจะมีนะ ถ้ามีคนขอ.........มื้อแลงไผ่บ่ขอ ผมสิขอเองครับ....555++

มะวานนี้เพิ่น เล่นลำเรื่อง ประมาณ 4-5 ฉากนะครับ......เริ่ม 20.30 น........

จั่งได่ กะอยากให้พี่น้อง ไปให้กำลังใจ เพิ่นนะครับ.......หลังจากที่เผิ่น ผ่านมรสุม กับทางวง มาแล้ว หลายครั้ง...

เพราะ ความตั้งใจในการนำเสนอผลงานเพิ่น ได้เกิน 10 ครับ ทั้ง การระดมพล ตัดชุดใหม่ ........

ระดมทุน ทุ่มทุนสร้าง ปรับปรุงเรื่องเครื่องเสียงใหม่...แล้วกะลงทุนใหม่ เสริมไฟประดับด้านหน้าเวที......

ค่าบัตรยัง ราคา 100 บาทคือเก่านะครับ...........ส่วนเก้าอี้ 20 บาท ครับ..........

แต่พอ มาคิดเบิ่งแล้ว คุ้มค่าอิหลี......กับเงิน แค่ 120 บาท แลกกับความหม่วนความสนุก......

และกำลังใจ............ที่เพิ่นได้รับจากแฟนเพลงชุมหมู่เฮา....เพิ่นคงสิดีใจบ่น้อยที่ยังมีคนฮักแก่นนครอยู่คือเก่า....

ปล. พี่บุญยิ่ง ดวงพยอม.....กะห้าวคือเก่า พี่ต๋อย กัญทิมา กะงามแบบเขี่ยม  ๆ คือเก่า .........

ตลก พี่เป้ด พี่ปูด กะยัง เว้านัวหัวหม่วน เป็นกันเองคือเก่า ............

แต่ที่บ่คือเก่า กะคือ เครื่องเสียงกับ เพลงเต้ยหลาย ๆ กลอน.............แบบจุใจคนมักเต้ยเป็นยิ่งนัก.....

มื้อแลงพ้อกันเด้อครับ พี่น้องสุครับครับผม..........จั่งได๋กะขอกำลังใจให้ แก่นนครแหน่เด้อครับ.........

ปล.ที่2............................ไฟย้อมสี ไฟฟอโลว์ กับไฟส่องขึ้นฟ้า ยังบ่มีนะครับ........

แต่เครื่องเสียง แน่นดีคัก........55555+++.......มาจบเอาเครื่องเสียงนี้หล่ะ.....ถึกหูผมแฮง.....

แต่พี่น้องคนได่ บ่ทันได้ฟัง...........อย่าฟ้าวเซื่อผมเด้อครับ....ต้องไปฟังก่อน หว่าสิดีแท้ หือบ่........

และสุดท้าย ขอขอบคุณ พี่ดาว บ่าวแทน สาวอิ๋ว เด้อครับ ที่มาส่งจนฮอดหม่อง..........

ขอบคุณ ครูอาร์ตครูอ้น.....และน้องกี้.......ที่มาเต้นนำกัน.......เมื่อคืนนี้เมาดิบสุคน.....

น้ำโพลาลิส ขวดเดียว กะเต้นกันได้.........ย้อนหม่วนแฮง..........เพราะเครื่องเสียงดี......555++..

8
ขอต่อยอดกระทู้ จาก  หัวข้อ: สำรวจ ! ใครได้มิตรภาพใหม่ ๆ จากลูกทุ่งหมอลำดอทคอมบ้างครับ  ของอ้ายบ่าววีนะครับ

ผมเข้ามาเวปนี้ได้ กะเพราะอยากฮู้ คิวงานหมอลำครับ กะเลย หาใน Google โดยที่พิมพ์คำหว่า

(หมอลำ+คิวงาน+ทำการแสดง)  เผอิญเห็นพอดี หว่ามีหมอลำ ประถมสิลงคองตัน กับระเบียบอยู่วัดลานบุญ

หลังจากนั้นกะเล่นเรื่อย ๆ มาครับ
จนได้ข่าวหว่า บ่าววี นัดพบปะกัน กับเพื่อน ๆ สมาชิก ที่ร้านหมูกะทะตรงซอยลาซาน 

แต่หว่าไกลครับ กะเลยบ่ได้ร่วม จนได้เห็นภาพจากการมิตติ้ง ครั้งแรกที่มี บ่าววี เพื่อนบ่าววี รัชนนท์ เอกพงษ์(Akk) สาวขี้ดื้อ

พี่ต้า(TaTa TeTe ) คุณเด่น 101/1 แล้วกะบ่าวฟังลำ(SAK@Kosum) กับ คุณโอห์ม

หลังจากนั้นกะจนมาได้มาพบ ทีมงาน เต้ยยย!!!อย่างเดียวบันเทิงศิลป์ จนได้ฮู้หว่ามิตรภาพ ทางโลกไซเบอร์มีจริงอิหลี

จากนั้นกะ พบพ้อกันอยู่หน้าฮ้านหมอลำ ยิ้มให้กัน ถาม User ที่ใช้ในเวป เฮ็ดให้ติดต่อกันทางเวปเรื่อยมา

จากนั้นกะได้เจอ เพื่อนของเพื่อน ต่อยอดเรื่อย ๆ มา คือลูกโซ่ หลายอิหลี อบอุ่นใจแฮงครับ

ในบางครั้ง กะได้หมู่ได้เพื่อน ที่เอื้อต่ออาชีพการงานของเฮา ต้องการหาข้อมูลบางอย่าง กะปรึกษาส่ง PM หากัน

กะถือหว่าได้หมู่เพิ่มอีก ขออนุญาต ยกตัวอย่างนะครับ หมู่ผมสิแต่งงานเร็ว ๆ นี้ ในปลายเดือน พ.ย. นี้

ผมกะ ส่ง PM หาเพิ่น (ตากล้องฝีมือดี จากห้องระเบียบ) เพิ่นกะยินดี ที่สิถ่ายให้ โดยที่บ่คิดค่าอิหยังเลย

ขอแค่เตรียม เมมโมรี่การ์ดไปอย่างเดียว เพิ่นถ่ายให้ แล้วกะถอดออก เอารูปกลับบ้านไปเบิ่งเลย

ผมอยากได้ VTR เป็น มิวสิค VDO ส่วนโต ผมกะส่ง PM หาสาวคิ้งโก่งคางแหลม (ZZZZZ) เผิ่นกะเฮ็ดให้ทันที

พอเสร็จแล้ว เพิ่นกะฝากไฟล์ไว้ แล้วกะโหลดเอา ถ้าคิดเป็นมูลค่าแล้ว จากน้ำใจของทั้ง 2 ท่าน กะหลายเงินอยู่ครับ 

แต่คำหว่ามิตรภาพที่มีให้กัน จากเวปนี้  ที่เกื้อ---ลต่อกัน ผมบ่มีอิหยังเสียเลยครับ เว้าได้คำเดียวหว่ามีแต่ได้กับได้

แต่ก่อนที่เฮาสิได้มา กะต้องให้ก่อนครับ ให้คำเว้าหม่วน ๆ บ่แม่น ยามขัดแย้งกัน กะฟาดฟันกันให้จมไปข้างหนึ่ง

ให้ความจริงใจ ให้คิดเสียหว่าทุกคนที่เข้ามาบ้านหลังนี้ เป็นพี่เป็นน้องเฮา ถ้าเฮาคิดจั่งซี้แล้ว เฮากะบ่อายที่สิกล้ารบกวนเพิ่น

แล้วกะบ่ย่านที่สิมีไผ๋มาขอความซ่อยเหลือจากเฮา  แล้วเฮากะเต็มใจ พร้อมที่ยินดี รับใช้เพิ่นเต็มที่นำพร้อม

เพราะทุกคนที่เข้ามา คือพี่น้องกันครับ ภายใต้ชายคา ลูกทุ่งหมอลำ ดอทคอม ....ครับ.....

แล้วพี่น้องคนอื่น ๆ หล่ะครับ เริ่มเข้าเวปนี้ ได้จั่งได๋ครับ...........


 

9
หม่วนอิหลีครับ.....เบิ่งซามฮอด บุญผ้าป่า บุญกฐินบ้านเฮาน้อครับ..........

เซิ้งงานบวช

10
พี่น้องครับ คนที่ตีกันหน้าฮ้าน สาเหตุมาจากอิหยังกะตามซ่าง.........

อาจสิมาจาก การบาดหมางกันมาก่อน............แล้วกะตีกัน ก่อกวนที่หน้าเวที..........

หรือมึนเมา..........บ่มักหน้ากัน........แล้วกะลงเอยด้วยการทะเลาะวิวาทกัน.......

ถ้าคู่กรณีตายขึ้นมา.....จากการชกต่อยกัน.....ทั้ง ๆ ที่เฮาบ่ได้ใช้อาวุธ.....

แต่อาจไปชกต่อยถึงจุดสำคัญ........แล้วญาติ ๆ เพิ่นบ่ยอมความขึ้นมา.................

แล้วกะเผอิญอิหลี.......ที่ญาติ ๆ ของคนตาย....เป็นคนที่อยู่ใกล้ชิดกับกฎหมาย........

อิหยังสิเกิดขึ้น.............คิดกันออกบ่ครับ........หว่าผลสรุปสิลงเอยจั่งได๋..........

มาเบิ่งกันเลยครับ............

นักโทษประหาร (สยองมาก)



11
เบิ่งซามซาหมอลำเพิ่นเปิดวงน้อครับ..........

เป็นโชว์อีกโชว์หนึ่ง.......ที่ใกล้เคียงกับโชว์ของหมอลำบ้านเฮาครับ.......

คู่เย้า คู่หยอก  *เอกชัย -วัลลภ

12
เคยเห็นแต่ภาพ มิตรใหม่ ไทยอีสาน สาวน้อยเพชรบ้านแพง แสดงยามมื้อเวน

ผมไปเจอภาพของ รุ่งทิวา มากะเลยเอามาฝากครับ...........


ขอขอบคุณ เครดิตจาก คุณ ภีระ ทุ่งเสลี่ยม จาก http://www.tiggersound.com/webboard/index.php?topic=41075.0  ครับผม

13
ผมหวังหว่าหลาย  ๆ คนคือสิใจตรงกับกับผมครับ.........

ลองกดเบิ่งกันเลยเด้อครับ..........


ตามใจแม่เถิดน้อง นวมินทร์เตรียมฯ

14
พอดีไปพ้อมา กะเลยเอามาฝากอ้ายทอง คือสิดีใจบ่น้อย.......ซั้นดอกหว่า........ครับ.......

หมอลำ เยวชน มข.

15
ดนตรีเล่นเยี่ยม...............

นักร้องเสียงดีคัก...........ฮ้องเพลงหม่วนอิหลี............

เครื่องเสียง..........มืออาชีพอิหลี..............

บันทึกภาพและเสียง.............กะถือหว่าโอเคเลยครับ.........

เสียดายแหมะจบจากโรงเรียน นานาชาติ....เลยบ่มีชมรมอีสานคือเพิ่น.....บู๊ยยยยย.....บาดสิเว้า....55555+

ปล. ขอแนะนำให้เบิ่งภาพ ในระบบ ความชัด 720 HD เด้อครับ....จั่งสิฮู้หว่าแจ่มอิหลี.........



ทดสอบ youtube HD อีสานบางมด



กุหลาบแดง ปากโกรธใจคิดถึง




16

17
บ่ฮู้สิเอาลงบอร์ดได๋ดีครับ............กะเลยเอามาลงบ่อนนี้..................

เคยได้ฟังสมัยเป็นเด็กน้อยครับ.......ข้างบ้านเพิ่นเปิดสุเช้า....คือตื่นมากะได้ยินเสียงเลย....หว่าเถาะครับ......

แต่พอใหญ่ขึ้น....มาพ้อพอดี..555+..กะเลยเอามาแบ่งกับเบิ่ง.....บ่ฮู้หว่าไผ๋สิเคยได้ยินผ่านหูคือผมบ่น้อครับ....

ตลกคณะเพชรพิณทอง ชุด แจกข้าวหาลุงแนบ 3-9

ตลกคณะเพชรพิณทอง ชุด แจกข้าวหาลุงแนบ 4-9

ตลกคณะเพชรพิณทอง ชุด แจกข้าวหาลุงแนบ 5-9

ตลกคณะเพชรพิณทอง ชุด แจกข้าวหาลุงแนบ 6-9


18
วันที่ 19 มีนาคม...........เด้อครับ.............หน้าโรงงานนำชัย..............

ไปเบิ่งนำกันพี่น้อง...............เห็นขึ้นป้ายแล้วครับ...........

19
ผมขออนุญาตเอาเวทีของศร สินชัย มาให้เบิ่งกันเด้อครับ

เพราะปีนี้ บ่มีแฟนเพลงท่านได๋มันเอามาให้เบิ่งกันเถื่อ

ถ้าซ้ำขออภัยนะครับ...........




ขอขอบคุณสำหรับภาพ เครดิตของ......http://www.tiggersound.com/webboard/index.php?topic=45576.0 .........เด้อครับ

20
วันนี้ มี .....หมอลำ.....สาวน้อยเพชรบ้านแพง...เต็มวง...แสดงที่กรุงเทพ ครับ......

ขอย้ำว่าเต็มวง..........พี่น้องบางคนเคยเบิ่งแต่ในบอร์ด.....บัดนี้มาเบิ่งของแท้เลยครับ..

ที่......ถนนพหลโยธิน 52 ใกล้ ๆ กับตลาดยิ่งเจริญ สะพานใหม่ ที่วัดนิยมธรรม .....

ขอให้พี่น้องมาหม่วน ๆ นำกันนะครับ.............

โดน ๆ สิมีหมอลำ.........มาให้ชมกัน  สำหรับ คอมักหม่วนชาวกรุงเทพ........

หลังจากนี้กะบ่ฮู้หว่าเพิ่นสิมาใหม่มื้อได๋ครับ.............

เพราะคิวงานหมอลำช่วงนี้ ทางบ้านเฮา.........แน่นอิหลี.........

พลาดงานนี้...........คือสิหลังสงกรานตร์พู้หล่ะเด้อครับ........หมอลำจั่งสิมาใหม่..........

ถ้าคิวงานเพิ่นว่าง.......ดอกหวา..........ถ้าบ่ว่างกะอดยาวฮอดปีหน้า.....เด้อ

มามื้อเดียวท่อนั้นครับ...................(((((((((.....อย่าพลาดเด้อ......)))))))))

ปล. คอนเฟิร์ม โดย เอกพงษ์ ......ผู้จัดการบอร์ดประถมบันเทิงศิลป์.....พะนะ




21
19 มกราคม 2553   รุ่งทิวาอำนวยศิลป์ แสดงที่    ตลาดปัฐวิกรณ์  กม.8 ถ.นวมินทร์ เขต บางกะปิ  กรุงเทพ

ขออนุญาติ ตั้งอีก 1 กระทู้นะครับ.....................

เพราะข้อความนี้มันซ่อนอยู่ในกระทู้อื่น..............

เผื่อพี่น้อง ขาจรเข้ามาอ่านพ้อ กะสิได้ไปหม่วน ๆ นำกันซั่นดอกหวา.................

ขอเอารูปของพี่ต้า.........มาประกอบข่าวเด้อ.............



[ไฟล์แนบถูกลบโดยผู้ดำเนินการ]

22
พูดคุยทั่วไป / โอว์.......................
« เมื่อ: ธันวาคม 27, 2009, 04:22:03 PM »
สมควรบ่สมควร.............กะแล้วแต่บ่าววีเด้อครับ.............

เจตนาของผมกะคือ........

ทุกคนที่เข้ามาเบิ่งแล้วมีรอยยิ้ม..........

ถ้าไผ๋เห็นหว่าบ่สมควร กะบอกกันได้เด้อครับ............

สิได้เอาออกซั่นดอกหว่า................

โชว์ความสามารถสุดสยอง

23

หลังจากที่เงียบหายไปโดน.......สำหรับข่าวคราวทางวงพิณแคณ......

ผมกะได้โอกาสเว้าจากันกับพี่น้อง.........ที่เพิ่นบ้านอยู่ใกล้บ้านพักวงของพี่นางเพิ่น ...

พอสิได้ข้อมูลอย่างคร่าว ๆ.........มาให้พี่น้องได้รับรู้กันน้อครับ........

เริ่มกันเลยน้อ..........

หางเครื่องรวมชายหญิง ประมาณ 80 กว่าคน

ชาย 50 กว่า หญิง 30 กว่าคน

เวที 4 ชั้น ............

ใช้เวทีเดิม แต่สร้างโครงด้านหลังเพิ่มใหม่................

ลงไฟแสงสีเพิ่มใหม่.................

เครื่องเสียงลงชุดใหม่ใหญ่กว่าเดิม.........

ลำเรื่องใหม่............บ่คือไผ๋ ........แหวกแนวกว่าหมู่..

เรื่องนั้นคือ....................  เรื่อง แหวนเทวดา  ..... พะนะ

นางเอก 4 คนอยู่ครบครับ.........พระเอกมีเพิ่มครับ.....

แต่เรื่องอื่นตัดชุดใหม่บ่..........ไผ๋ย้ายเข้าย้ายออก............อันนี้บ่ฮู้อิหลีครับ......

แต่ถ้าได้ข่าวอิหยังมาใหม่.......เดี๋ยวสิเอามาลงให้ใหม่เด้อ.........ขอรับ....

ขอกำลังใจให้พี่นาง แหน่เด้อ.........สำหรับแฟน ๆ พิณแคนเฮากะดาย......

ปล.มื้อนี้มื้อเดียว...มีงานเข้า 3 งานครับ ทางร้อยเอ็ด........พะนะ.......

............................


ไอ้เก่ง

24
ลูกอีสาน  24

ลูกอีสาน  25



อันประมาณ.........เกือบ10 กว่า ปีที่แล้ว ผมได้มีโอกาสเบิ่งหมอลำ........คณะระเบียบวาทะศิลป์ครับ.....

......ปีนั้น.....เวทีเป็นม่านสีชมพู......คลุมหน้าเวที.......เบิดเลย.......

พอปานโรงละครเอาโลด.................ผมกะใจจดใจจ่อ...........ปานได๋สิฮอด 3 ทุ่ม.....น้อ......

สิได้เบิ่งเพิ่นเปิดวง...............ให้สมกับการรอคอย........

สายตาที่กำลังจ้องผ้าม่านที่คลุมหน้าเวทีอยู่นั้น..............ในใจกะจินตนาการหว่าด้านในโรงเวทีสิเป็นจั่งได๋

ขณะที่กำลังจินตนาการวาดภาพอย่างเพลิดเพลินอยู่นั้น....................

ผ้าม่านกะค่อย ๆ เปิดออกมา.................พร้อมกับเสียงร้อง...........ที่หม่วนหูปนหวาน.........อย่างหม่วน......

ช่างเป็นเสียงที่ไพเราะจับใจเหลือเกิน..............สามารถสะกดคนฟังได้ดีเป็นอย่างยิ่ง.........

ภาพที่เห็นกะคือ..........ผู้หญิง...........แต่งกายด้วยชุดไทยสีเหลือง......กำลังร้องเพลง ...สยามเมืองยิ้ม.......จงภูมิใจเถิด..........ที่เกิดเป็นไทย.........

ไม่เป็นทาสใคร...และมีน้ำใจปริ่ม.................... รูปร่างหน้าตาสวยงามเป็นอย่างยิ่ง.............คนที่นั่งอยู่สาดข้าง ๆ ต่างบอกหว่าป๊าด...ดดด.....

นางเอกคือมาออกไวแท้...............งามอิหลี.....งามเอาเหลือ........ต่างเว้าซ้ำแล้วซ้ำอีก.........จนนักร้อง.....ร้องจบเพลง..............

เสียงปรบมือต้อนรับ.........ดังอย่างกึกก้อง............พร้อมกับ.....เสียงพรึมพรำที่บอกหว่า..........งามอิหลี..........

หลังจากนั้นนักร้องผู้นี้เพิ่นกะได้แนะนำโตหว่า..........

เพิ่นซื่อจันทร์เพ็ญ.............เคยออกเทป .........ที่มีเนื้อร้องท่อนหนึ่งหว่า......ลูกสาวเศรษฐี......ขายบุหรี่ใบตอง...

แล้วเพิ่นกะร้องจนจบเพลง.......แล้วเพิ่นกะบอกหว่า..........เพิ่นเคยแสดงหนัง........เรื่องลูกอีสาน.......มีไผ่จำได้บ่น้อค่ะ...พะนะ......

แสดงเป็นแม่บักลี.........หว่าซั้น.........แต่หว่าอิหลี......เป็นแม่บักคูณ.........จักเพิ่นบอกผิดมา..หรือหว่าผมฟังผิดกะบ่จัก..............

และในมื้อนี้ผมกะเอามาให้พี่น้องได้เบิ่งกัน.....................เผื่อสิได้เป็นกำลังใจให้คุณแม่เพิ่นนำ.............

อยากให้เพิ่นฮู้หว่า................ยังมีคนฮักคนหอมเพิ่น.............อีกหลาย  ๆ คน

...อยากให้เพิ่นร้องเพลงให้เฮาได้ฟัง..................อยากให้เพิ่นลำให้เฮาฟังไปโดน ๆ ...................ตลอดไป..................

เป็นกำลังใจให้เด้อครับ...............

ไอ้เก่ง..........




25
http://www.ziddu.com/download/3934987/DP.rar.html

แสดงสด เดือนเพ็ญ อำนวยพร  พร้อมกับ บ่าว เปเล่ ชาญชัย จาตุรงค์ ครับ

อันนี้ หลายปีผ่านมาแล้วเด้อ .................แต่กะยังหม่วนอยู่ครับ..................

ผมคิดหว่า........พี่น้องหลายคน.........คงสิมีกันแล้วหล่ะครับ

สำหรับพี่น้องที่ยังบ่เคยฟัง กะเชิญเลยครับ..................

ลองเปิดแล้ว...หลับตา ฟังครับ...............

หรือสิฟัง ผ่าน MP.3  ก่อนนอน..............กะได้.........ปิดไฟฟังนำเด้อ

แล้วหลับตาลง............

ปานได้อยู่หน้าฮ้านเอาโลด...................................

อ๊าว.....................โหลดแล้วเต้ย.......................

เครดิต มงคลสตูดิโอ ...เด้อครับ........ www.mongkhon101.com

หวังหว่าคงสิ........ถึกอกถึกใจ...................บ่น้อยกะหลายเด้อ.................




26
http://www.ziddu.com/download/2735481/PT.rar.html ................coppy  ไปวางเลยครับ

เครดิต : http://www.mongkhon101.com/LIVE.html

นี่เป็น...............บันทึกการแสดงสด ...................ของประถมนะครับ

ในช่วงแรกของการเปิดวง...................... ประมาณเดือน ตุลาคม 2551 ครับ

ตั้งแต่ สามทุ่มจนถึง เที่ยงคืนครับ ...................จำนวนกว่า 20 เพลงครับ

ผมคิดหว่า................บางท่านกะคงสิมีกันแล้ว .................... ถ้าท่านได๋บ่มี ................กะเชิญได้เลยเด้อครับ..........

ฟังแล้วกะ..............ขอให้ขอบคุณไปถึงเจ้าของเครดิต.................. แหน่เด้อครับ............ผู้เพิ่นคนต้นเค้า........ไปเอามาให้ฟังแหมะ

......................................................................

ผมบ่ต้องการหยังดอกครับ.................

ต้องการแค่ให้พี่น้องสนุก.............ในการฟังเพลง.............

************************

จั่งได๋กะให้หม่วน ๆ เด้อ..............................




27
หลังจากซื้อบัตรเข้างานแล้ว

ต้องตลึงเป็นอย่างยิ่ง...............กับเครื่องเสียงของแก่นนครครับ

โอ้โห.......................สุดยอด.................

เครื่องเสียงใหม่ครับ บ่ฮู้หว่าเริ่มเปลี่ยนตั้งแต่มะเหิง

เสียงดีมาก ๆ เลยครับ  ใสสุด  ๆ  เสียงเบส กะโอเค (แต่หว่าเปิดดังไปจักหน่อย ..........ช่วงตลกด่ากัน จนได้เอามือปิดหูไว้)

แล้วกะเวทีใหม่ครับ.......เพิ่นเปลี่ยนเวที ไปประมาณ 50 เปอร์เซ็น.........แต่มืดไปจักหน่อยหนึ่ง...............

แล้วเพิ่นกะเพิ่มไฟแสงสีนำพร้อม...........................งามดีครับ...................

เพิ่งเคยเห็นนะครับ.........ที่หมอลำปรับปรุงผลงาน.........ระหว่างฤดูกาล

ก่อนหน้านี้เคยเบิ่งอยู่คลองตันครับ..............ปลายปีที่แล้ว

แต่เล่นมื้อนี่..............เวทีเปลี่ยนไป......................เครื่องเสียงเปลี่ยนไป

แล้วกะได้เบิ่งหมอลำพร้อมครับ 2 ชั่วโมงกว่า ๆ ....................ก่อนสิออกฉาก ร้องแค่เพลงเดียวครับ

แล้วกะลำเป็นเนื้อเรื่อง................เล่นดี ตลกกะพอใช้ได้............. ถือหว่าผ่านครับ.................

แล้วก่อนสิเข้าฉาก กะร้องบ่เกิน 2 เพลง........................เนื้อเรื่องสนุกดี................ขอชื่นชม

จั่งได๋กะอยากให้เห็น แก่นนครเป็นตัวอย่าง.............ในการพัฒนาผลงานเด้อพี่น้อง....................

ถึงแม้สิเป็นการลงทุน 2 ครั้งกะตามซ่าง....แต่เพิ่นกะยอม..........เผื่อความสวยงามด้านหน้าเวที...............

เพื่อสิเป็นกำไรสำหรับผู้หว่าจ้าง............................สำหรับผู้ชม..............

บ่แม่นแค่ซื่อเสียงเดิม ๆ จากผลงานที่ผ่านมา...............แต่ผลงานบ่ประทับใจ..........

อันนี้กะบ่ไหวน้อครับ..................ถือหว่าเป็นสัญญาณ.........อันตรายแล้ว.............

จั่งได้กะชื่นชมเด้อครับ................

ปล. มีชมกะต้องมีตินำพร้อม.......................ขอติหน่อยนึงเด้อ...................

ตอนสิลำลาแหมะครับ...............มีหมอลำออก มา 2 คน แล้วกะตลก 1 คนแหมะ...............

ฟ้อนเสิร์ฟกะบ่มีคับ......................แม่นเป็นอิหยังน้อ...........แต่กะบ่เป็นหยังครับ

เพราะได้เบิ่งหมอลำแล้ว ตั้ง 2 ชั่วโมง............เพิ่นลำประมาณ 3 ทุ่ม ฮอด 5 ทุ่มครับ

หลังจากนั้นกะเปิดโต โชว์วง......................แล้วกะเล่นตามปรกติ

วันที่ 1 พค. เพิ่นประกาศหว่า...เล่นอยู่บางบอนเด้อครับ.......สำหรับแก่นนคร..............

หน้านิคมลาดกระบัง............... 1 พ.ค. มีจินตหรากะ คู่แฝด โอ-เอ...........เห็นป้ายแล้ว.ครับ




ไอ้เก่ง คนเลย


28
ผมกะเป็นคนหนึ่งที่มักหมอลำอิหลีครับ

หมอลำบ่เลิก..........บ่เคยหนี

พอหมอลำเซาลำ.....เพิ่นเก็บฮ้านแล้ว......เป็นกะเหวิ่งกะหว่างหัวใจจั่งได๋ผุคือ.....เป็นคือสิฮ้องไห้......แบบหว่าคิดฮอดนี่แหมะพี่น้อง

ไผ๋เคยเป็นคือผมบ่ครับ...............( ผู้เฒ่า เพิ่นหว่า.........ถึกอ้อหมอลำพะนะ..........จักแม่นบ่ผุ )

แต่พอได้มาเอ็ดงานอยู่กรุงเทพแล้ว..กะนำไปเบิ่งตลอด....พี่น้อง

แล้วแต่สถานที่..............กับเวลางาน........คับ....

ถ้าตรงกับมื้อวันหยุด..................กะถึงได๋ถึงกัน..........

เต้นหน้าฮ้านแล้ว.................กะไหลไปเรื่อย ๆ เอาโลด.............จนหว่าแจ้ง................อิอิอิ

แต่หม่องที่ไปดุ...กะคลองตัน กับวัดลานบุญ.เพราะอยู่ใกล้หม่องพัก

จั่งได้กะ สิ Up Date  ข้อมูลให้พี่น้องเรื่อย ๆ เด้อครับ..เกี่ยวกับสถานที่ ที่สิมีหมอลำ.....เท่าที่ฮู้ดอกหวา...............

แล้วกะหากหว่าความคิดเห็นของผม............อันได๋ผิดพลาดไป..หรือคิดบ่ตรงกับพี่น้องคนได๋...

กะบอกกะกล่าวกันได้นะครับ...............

เป็นพี่-น้องกันเด้อ................ซุมเฮา...คอหมอลำ

เก่ง คนเลย

29
พ้อกันเด้อมาหม่วนนำกันครับ.......................

เครดิตแด่.....เจ้าของรูปเด้อครับ

หน้า: [1]