สาววังข่า รุ่งเรืองศิลป์
คณะหนึ่งนครวัฒนศิลป์

ผู้เขียน หัวข้อ: เด่นชัย บัวผัน ที่ตลาดทุ่งสร้างเมื่อคืนนี้ เอื้อเฟื้อภาพจาก Tiggers sound  (อ่าน 12387 ครั้ง)

0 สมาชิก และ 1 บุคคลทั่วไป กำลังดูหัวข้อนี้

« เมื่อ: กรกฎาคม 10, 2009, 05:32:20 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
ไปอยู่แต่บ่ได้เข้าเบิ่ง กะเลยขอภาพเพิ่นเอา ขอบคุณคุณโค๊ก ลูกชายช่างไพร แห่งมงคลสตูดิโอนะครับ หรือในนามสมาชิกของลูกทุ่งหมอลำว่า MK Studio ไปติระบบเสียงเพิ่นแล้วยังเอาภาพเพิ่นมาอีก



COMMENT BY FACEBOOK







« ตอบกลับ #1 เมื่อ: กรกฎาคม 10, 2009, 06:08:09 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
หมอลำบัวผันตลกดีครับ แต่ออกแนวฮาร์ดคอไปจักหน่อย

« ตอบกลับ #2 เมื่อ: กรกฎาคม 10, 2009, 06:40:09 PM »

ออฟไลน์ noomjo

ผมละมักวัชราภรณ์ ขายเสียงม่วนๆอย่างเดียว บมีเด้งมีเด้า

« ตอบกลับ #3 เมื่อ: กรกฎาคม 10, 2009, 07:25:14 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
ว่าแม่นมักนำอันนี้บ่แม่นติ แต่บัวผันเพิ่นกะเสียงดีอยู่นำนั่นล่ะ ที่เพิ่นดังกะย้อนเป็นจั่งสิล่ะ มีเอกลักษณ์เบิ่งแล้วได้หัวม่วนตั้ว

« ตอบกลับ #4 เมื่อ: กรกฎาคม 10, 2009, 09:37:46 PM »

ออฟไลน์ champ ดาวเว็บลูกทุ่งหมอลำ

ผมละมักวัชราภรณ์ ขายเสียงม่วนๆอย่างเดียว บมีเด้งมีเด้า

โอ๊ยๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ

มักคือกันแท้  มักวัชราภรณ์  กับ  จีระพันธ์

« ตอบกลับ #5 เมื่อ: กรกฎาคม 11, 2009, 12:41:13 AM »

ออฟไลน์ ไอ้เก่ง คนเลย

  • ปรับปรุงใหม่ สดใสตลอดกาล http://www.youtube.com/watch?v=mm15yYdFQ2k
  • ผู้ช่วยผู้ดูแลเว็บ
  • *
  • กระทู้: 3,807
  • บางคน เขาเกิดมา เพื่อให้เราได้รัก..ไม่ได้ให้ลืม...
มักคือกัน..................นิสัยดีครับ...........

เสียงกะหม่วน............นอบน้อม...........ดีหลาย.........

เป็นตาฮักเป็นตาสงสาร....ต้อง วัชราภรณ์.................

« ตอบกลับ #6 เมื่อ: กรกฎาคม 11, 2009, 04:53:37 AM »

ออฟไลน์ noomjo

ผมละรู้สึกว่าหมอลำ การเด้งการเด้าเป็นหน้าที่ของหางเครื่อง ส่ายได้ส่ายไป แต่ตัวหมอลำที่เป็นตัวยืน ควรขายเสียง ขายความสามารถ ให้พ่อแม่พี่น้องได้ชื่นชม  อย่าไปมุ่นอุ้ยปุ้ยนำหางเครื่อง  ภาพพจน์หมอลำจะได้ดูดั    คำว่าหมอลำ  หมอลำ หมอลำ ผมบอยากให้มีอักษร ย เข้าไปปนนำแหมอ้ายกบ  เห็นแล้วมันเป็นสุนๆ

« ตอบกลับ #7 เมื่อ: กรกฎาคม 13, 2009, 08:34:46 AM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
เย็นไว้ เย็นไว้หนุ่มโจ แต่ก่อนคนกะมีแต่ว่าเพิ่นจั่งซี่ล่ะในเวปอื่นที่เว๊าฮอดหมอลำบัวผันหน่ะนะ จนว่าผมหลูโตนเพิ่นพุ้นล่ะ   

« ตอบกลับ #8 เมื่อ: กรกฎาคม 13, 2009, 02:06:33 PM »

69club

  • บุคคลทั่วไป
อ้ายโจ....อย่าฟ้าวสูน มาฟังสาวขี้ดื้อ แถลงการณ์แหน่จักหน่อย...

มาเว้าเรื่อง ลีลาการลำ จักหน่อยเด้อจ้า

สาวขี้ดื้อ นี้ขอชื่นชมอันดับแรก คือเรื่องกลอนลำเด้อจ้า..เข้าสมัยอยู่....แต่ว่า บ่มักอย่างหนึ่งกะคือ กลอนลำเด๋ว หากินเบิดซุม

บ่ว่า ศรีจันทร์ วัชราภรณ์ เด่นชัย บัวผัน เพ็ญนภา แม๊กระทั่ง อ้ายขุนพล เองกะลำกลอนเด๋วกันเบิด เด้อจ้า

พ่อซายกะกลอนเด่ว..กันเลย...ว่าจั่งซี้ล่ะ *** อ้าวห่านี้ มาฟังลำซิ่ง ลำซิ่ง ลำเดิน แบบใหม่ พระนารายณ์วาดฟ้อน..เกี้ยวเข่าใส่กัน อันนั่นเด้อ นั่นน๊า...พะนะ

อันแม่หญิง...กะ กลอนเด๋วกันเลยอะนะ....****หน่ำเจ้าหน่ำมือกลองเจ้าหน่ำ หน่ำเจ้าหน่ำมือเบสเจ้าหน่ำ หน่ำเจ้าหน่ำมือแซกเจ้าหน่ำ หน่ำเจ้าหน่ำหางเครื่องเจ้าหน่ำ หน่ำเจ้าหน่ำเจ้าภาพ เจ้าหน่ำ...

นี้ล่ะ...กลอนหากินไปอัดวีซีดียามใด๋กะกลอนนี้...จ้า...

สาวขี้ดื้อ ฟังดุ๊ ไปเบิ่งดุ๊จนจำได้...เลยพี่น้อง

ต่อมาค่ะต่อมา...ลีลาการฟ้อนหรือว่าสเตทหน้าเวทีของหมอลำฝ่ายหญิง ฝ่ายชายเด้อจ้า..เอาหมอลำอุบล ไปเทียบกะหมอลำขอนแก่นหรือกาฬสินธ์เด้อจ้า

คันไผ๋ได้เบิ่ง วีซีดี บันทึกการแสดงสดเด้อจ้าบ่จำเป็นต้องเป็นของท๊อบไลน์กะได้....โปรดสังเกตเบิ่งว่าแม่นคือสวขี้ดือ้ว่าบ่

หมอลำอุบลนี้ สิเต้น สิฟ้อน  แต่ยามสิเปลี่ยนกลอนหรือเวลาลงยก...แต่บัดยามร้องเพลง เดินกลอน หรือว่ายามซิ่ง สิยืน เก่เด่...ทางภูเขียวเอิ้นว่า..ยืนลำ คือจั่งปราศัยหาเสียงแหม พี่น้อง...

เป็นคือกันเบิ๊ด เด่นชัย ศรีจันทร์ วัชราภรณ์  จิระพันธ์ ยกเว้นบัวผันคนเดียว ที่ เพิ่นสิ เต้นเด้าตลอด บ่มีคำว่าเมื่อย

ลักษณะจั่งบัวผัน ภาษาหมอลำ เอิ้นว่า ยอกหรือ ขยอก เสียง ให่ออก เพราะบัวผันเป็นคน..เสียบแหบ เสียงบ่มี

แต่คันไผ๋มีโอกาสไปเบิ่งลำซิ่งขอนแก่น สารคาม หรือว่ากาฬสินธ์เด้อจ้า...โปรดสังเกตุอีกเช่นกัน

 หมอลำทางนี้ สิเต้น สิฟ้อนแบบโสล้มโสตายเลย  ออกวาทออกศิลป์ บู้ยยยยยย เป็นตาหน่ายอีหลี ต่างกันโดยสิ้นเชิงเลยกะหมอลำ อุบล

บัดนี้โงมาทางกลอนลำเด้อจร้า สังเกตหมอลำอุบล สิลำหน่อยๆ เต้ยเพลงตามคำขอหลายๆ เพราะว่าเต้ยดุปานใด๋ เงินกะสิหลายตามนั้น

หมอลำทางขอนแก่น สารคาม กาฬสินธิ์ ลำนิทาน เดินกลอน 30 นาที กะบ่ลงเป็น เต้ยกะเต้ยหน่อยๆ ลำเป็นหลัก

บัดนี้พอมีแต่ลำ กะเลยต้องมีวาท มาตาม อกี..เลยเฮ้ดให่หมอลำ ทางขอนแก่น สารคาม กาฬสินธ์ มีวาทมีทรงก่อ ทางอุบล

แต่มาเว้าถึงเอกลักษณ์ส่วนบุคคลของหมอลำเด้อจ้า

เอาเป็นคนๆเลย ตามสไตล์ สาวขี้ดื้อ คิดเอาเอง

อ้ายศรีจันทร์  ถือได้ว่าเสียงดีมากมาย นะคะ แต่ฟ้อนหลายบ่ได้ เพิ่น เฒ่าแร้ว..

อ้ายจีระพันธ์  แต่กี้สาวขี้ดื้อนึกว่าแม่นคนๆเดียวกันกับอ้ายยศรีจันทร์  ข้อเสียของอ้ายจีรพันธ์คือ ผิดคีย์ดุ๊ ร้องเพลงกะมั่วบ่ตามเนื้อ

มาฮอดอ้ายเด่ยชัย  คนนี้บ่มีหยังสิติเพิ่น ทั้งเรื่องลำ เรื่องร้อง อ้ายเพิ่นเก่ง แต่เสียอย่างเดียว บ่ว่าร้องหรือลำ อ้ายเพิ่นสิ ยืน กระดิกขาเอา ซือ่ๆ..ลาวย้านเมื่อยบ่ สาวขี้ดื้อ กะบ่รู้นำ

สาววัชราภรณ์ นี้ ถือได้ว่าเป็นหมอลำที่เขี่ยมมากๆนะคะ..เอาไปเป็นนางเอกหมอลำหมู่ได้เลย..เสียงดีลำม่วน...บ่ขอติ

มาฮอดเอื้อยกุ้ง สุภาพร  สาวคนนี้เป็นสาวหุ่นบางร่างน้อย ใส่เสื้อผ่า กะน้อยตามโต๋ จนว่าโป้ กะว่าได้ เสียงแหลมได้ใจ ร้องได้ทุกเพลง แต่มักแปลงเพลงให่ ทะลึ่งลามก อะนะ

มาฮอด ทรอปปิค ของพี่โจ เด้อจ้า สาวบัวผัน  ทังโส

คนนี้ สาวขี้ดื้อมักเด้อจ้าอ้ายโจ...เป็นสตรีนางหนึ่งที่เป็นต้นแบบของ สาวขี้ดื้อ ในเรื่องของการ เอนเตอร์เทนคน..แต่ขอติคือพี่โจ ว่า หมอลำเด้อจ้า หมอลำ บ่แม่น หมอ เอา ย.ยักษ์มาใส่ แร้วลำ

แต่คือจั่งพี่กบว่าจร้า  เอกลัษณ์เฉพาะโต๋..ซึ่งสิเป็นจุดขาย..ของโต๋ศิลปินเอง เฮ้ดแร้ว..เขาซำบายใจที่เฮ็ดกะปล่อยไป

ขนาดไมค์เคิล ยังลูบ น้องซายจะของ เต้น กะยังดังดอก..อ้าย..หั่ง บ่เปนตาเบิ่ง คือจั่งผัวบันเด้าตั๊วะอ้าย

ถืกคอนเซปแร้วล่ะ...หมอลำซิ่ง ของแท้ต้องมีเด้า.....555555+

นานาจิตตัง..จ้า..มีหยัง โสเหล่ หลังเวทีเด้อ พี่กบ พี่โจ.....

สาวขี้ดือ้ ณ ภูเขียว ...............พิพม์

แฟนคลับลูกทุ่งหมอลำดอทคอม............อ่าน


« แก้ไขครั้งสุดท้าย: กรกฎาคม 13, 2009, 02:08:44 PM โดย สาวขี้ดื้อ ณ ภูเขียว »

« ตอบกลับ #9 เมื่อ: กรกฎาคม 13, 2009, 02:33:48 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
ป๊าด ปานรายงานสกรุ๊ปข่าวบันเทิง ช่วงศิลปะลำซิ่งชีวิตจริงยิ่งกว่าบนเวที หนุ่มโจอ่านให้หมดเด้อ ห้ามข้ามบรรทัด สาวขี้ดื้อจั่งบ่เสียเที่ยว บัวผัน  ทังโส หมอลำส่าหมอลำลือของเพิ่นนั่นล่ะครับ ขั่นบ่คัก เจ๊หมีโปรโมชั่นบ่กล้าเอามาล้อมสังกะสีหน้าฝนดอก

« ตอบกลับ #10 เมื่อ: กรกฎาคม 13, 2009, 04:17:56 PM »

ออฟไลน์ noomjo

 ยอม รับต่อหน้าไผกะด้าย ว่า ข้าพเจ้าอ่านแล้วขนลุก  แมนบบุวา   ตัวน้อยๆซำอีนางขี้ดื้อรู้เรื่องหมอลำได้ละเอียดขนาดนี้ อยากนำไปขอลายเซ็นต์อยู่เถียงนาเด   สิเว้าว่าจั่งได๋กะตาม ผมกะยังอยากให้โตหมอลำแต่งตัวสุภาพเรียบร้อย เด้ากะเอาพอหน่อยๆ บแมนโคโยตี้ อย่าลืมเดอ วัฒนธรรมบ้านนอกคอกนา ลูกหลานมันเบิ่งอยู่ ถ้าเป็นแบบนี้ ผมกะอยากอายพาหลานไปเบิ่ง เด้ากะเด้าคักโพส บัวผันกะเถ่าแล้วเป็นแม่คนแล้ว วัยเดียวกันกับอ้ายบ้านหนองตูมพุ้น เกิดมาเพิ่งเคยได้ยินนี่หละ เด้าก่อนยอกเอวก่อนเสียงจั่งออก อีพออีแม เกิดมาหัวกเคยได้ยิน ผมละวาเพินเสียงสู้คนอื่นบได้เลยหากินนำเด้า

« ตอบกลับ #11 เมื่อ: กรกฎาคม 13, 2009, 05:44:40 PM »

69club

  • บุคคลทั่วไป
ยอม รับต่อหน้าไผกะด้าย ว่า ข้าพเจ้าอ่านแล้วขนลุก  แมนบบุวา   ตัวน้อยๆซำอีนางขี้ดื้อรู้เรื่องหมอลำได้ละเอียดขนาดนี้ อยากนำไปขอลายเซ็นต์อยู่เถียงนาเด   สิเว้าว่าจั่งได๋กะตาม ผมกะยังอยากให้โตหมอลำแต่งตัวสุภาพเรียบร้อย เด้ากะเอาพอหน่อยๆ บแมนโคโยตี้ อย่าลืมเดอ วัฒนธรรมบ้านนอกคอกนา ลูกหลานมันเบิ่งอยู่ ถ้าเป็นแบบนี้ ผมกะอยากอายพาหลานไปเบิ่ง เด้ากะเด้าคักโพส บัวผันกะเถ่าแล้วเป็นแม่คนแล้ว วัยเดียวกันกับอ้ายบ้านหนองตูมพุ้น เกิดมาเพิ่งเคยได้ยินนี่หละ เด้าก่อนยอกเอวก่อนเสียงจั่งออก อีพออีแม เกิดมาหัวกเคยได้ยิน ผมละวาเพินเสียงสู้คนอื่นบได้เลยหากินนำเด้า

มาขอแหน่ลายเซ็นต์ อยากให่พี่โจมาขอ..อีหลี...คันอ้ายโจมาขอ สาวขี้ดื้อ...สิ..เขียนยาวๆ คือจั่งผ่า เผวสเลยอะนะ 5555+

มันกะแม่นความพี่โจว่านั้นล่ะ...เต้นเด้าหลายมันกะบ่แม่นแนวเนาะ...แต่กะบอกไปแร้วนั้นล่ะจุดขาย...

แต่ตามจริงแร้วบัวผันบ่ได้ เสียงบ่ดีเลยนะคะ...เทียบกับหมอลำ หลายๆคนทางขอนแก่น ถือได้ว่าโอเคในระดับหนึ่ง

เสียบแหบ กะบ่ท่อศิริพรดอก....ลาวกะไปของลาวได้เรื่อยๆ...เสียงบัวผัน ถึงสิบ่ก้อง บ่ใส่ แหบตามสไตล์ กะร้องถืกคีย์ บ่มีผิด

ต่างกับวัชราภรณ์ เสียงสูง คักยามนำหาคีย์ กะไปเบิ่งมอ นำหาเอา...สาวกุ้ง สุภาพร คือกัน เสียงดีอะนะ...หมอลำซิ่งต้องเสียงแบบ

สาวกุ้งนี้ล่ะ....จั่งสิแม่น...อันว่าเรื่อง เต้นเด้าหนิ...บ่แม่นเอิ้นเสียง คือจั่ง พี่โจ เข่าใจเด้อจ้า...ความหมายของสาวขี้ดื้อ นี้ก็คือ

เวลาที่เสียงแหบหรือว่าเสียงหาย ยามดนตรีเล่นอยู่ กะต้องหาวิธีพักเสียง เพื่อเอิ้นเสียง..เพื่อบ่ให่คนฟังเกิดอารมณ์ อาการ สุดจุ๊ดปุ๊ด คือเชือกขาด

ลาวกะเลยต้องเต้น...แต่ว่าลาวอาจสิเต้นแฮงไปจักหน่อย....กะเลยเด้า เด้า ไปเด้ามา เด้าแฮงหลาย กะเลยกลายเป็นเอกลักษณ์ อิอิ

จั่งใด๋กะแล้วแต่...พี่โจเว้ากะถืก อ้ายกบเว้ากะถืก...ไผ๋เว้ากะถืกเบิดละ....

แม่ใหญ่บัวผัน ลาวกะบ่ผิด เพราะว่า..เพิ่น เป็นศิลปิน นะคะ...

เอาล่ะพอแล้วล่ะ.....บ่ออกความเห็นแร้ว...เด๋วพี่โจ สิซัง สาวขี้ดื้อ...อะนะ...

จบข่าว สาวขี้ดื้อ ณ ภูเขียว.........................พิมพ์

แฟนคลับ เวปลูกทุ่งหมอลำ ดอท คอม......... อ่าน


ปล. คือว่าพี่กบเฒ่า....จะของกะเฒ่า คือกันล่ะ 55555+

พี่กบลาวบ่ทันเฒ่าดอก..เตะปิ๊บดังอยู่....ดังซื่อๆ แต่ปิ๊บ บ่ฟ้ง ดอก อ้ายโจ 55555+



« แก้ไขครั้งสุดท้าย: กรกฎาคม 13, 2009, 05:46:19 PM โดย สาวขี้ดื้อ ณ ภูเขียว »

« ตอบกลับ #12 เมื่อ: กรกฎาคม 13, 2009, 06:02:20 PM »

ออฟไลน์ noomjo

 สารภาพผิดว่า บทันได้ฟังบัวผันลำคักๆดอก  เพียงแต่ว่า มือหนึ่งไปบิกซี ร้านขายซีดีเปิดบัวผันเรียกลูกค้า  แวบเดียวคนมุงตึม คนฮือฮาลีลาการเล่นแอวของเพิน แต่พุ้นมา ภาพพจน์เพินในสายตาผมคือ หมอลำซิ่งเด้า  มาเจอคลิปหมอลำกุ้งแห้งร้องเพลงฝรั่ง แต่งโตแบบโคโยตั้ ที่น้องก้อยว่าฝรั่งจ้างไป ผมละสะอึก เหลือโตนอีแม่ราตรี เจ้าของต้นตำรับหมอลำซิ่ง เอาไปเอามา ผมว่า ไผอยากดัง อยากเด่น อยากมีคนถามหา ให้เด้าหลายๆ เปิดหลายๆ แข่งขันกัน ผมคิดว่าผมจะทำหนังสือร้องเรียนไปกระทรวงวัฒนธรรม ให้ควบคุมอยู่ หรือน้องขี้ดื้อสิว่าจั่งได๋ ลงชื่อนำบอ ที่แน่ๆ อ้ายกบ เพินบลงชื่อกับผมแน่นอน เพินมักหลายบัวผัน เบิ่งแล้วน้ำลายไหล นอนหลับกินเข่าแซบ เพินชอบเอ็นดูเด็กนักศึกษา ไปด้อมๆมองๆวิลัยผมเป็นประจำ

« ตอบกลับ #13 เมื่อ: กรกฎาคม 13, 2009, 06:47:21 PM »

69club

  • บุคคลทั่วไป
สารภาพผิดว่า บทันได้ฟังบัวผันลำคักๆดอก  เพียงแต่ว่า มือหนึ่งไปบิกซี ร้านขายซีดีเปิดบัวผันเรียกลูกค้า  แวบเดียวคนมุงตึม คนฮือฮาลีลาการเล่นแอวของเพิน แต่พุ้นมา ภาพพจน์เพินในสายตาผมคือ หมอลำซิ่งเด้า  มาเจอคลิปหมอลำกุ้งแห้งร้องเพลงฝรั่ง แต่งโตแบบโคโยตั้ ที่น้องก้อยว่าฝรั่งจ้างไป ผมละสะอึก เหลือโตนอีแม่ราตรี เจ้าของต้นตำรับหมอลำซิ่ง เอาไปเอามา ผมว่า ไผอยากดัง อยากเด่น อยากมีคนถามหา ให้เด้าหลายๆ เปิดหลายๆ แข่งขันกัน ผมคิดว่าผมจะทำหนังสือร้องเรียนไปกระทรวงวัฒนธรรม ให้ควบคุมอยู่ หรือน้องขี้ดื้อสิว่าจั่งได๋ ลงชื่อนำบอ ที่แน่ๆ อ้ายกบ เพินบลงชื่อกับผมแน่นอน เพินมักหลายบัวผัน เบิ่งแล้วน้ำลายไหล นอนหลับกินเข่าแซบ เพินชอบเอ็นดูเด็กนักศึกษา ไปด้อมๆมองๆวิลัยผมเป็นประจำ


..อีแม่ราตรี กะมิดจี่หลี่ ไปตั๊วะจ้า ผลงาน บ่คงที่เนาะ..... แต่กี้สาวขี้ดื้อกะมักอยู่

แต่หลังๆมาแม่ราตรี เพิ่น บ่พัฒนา แนวทางการลำ ไป หมอลำรุ่นใหม่ เลยดังแซงหน่าไปเบิด.....

ยอมรับว่า เด็กในสังกัด อีแม่ ลาว หมอลำโล่พระราชทานทั้งนั้น....แต่อีแม่ เพิ่นขาดคนผลักดัน ให่โกอินเตอร์

จังลูกสาวหล่าเพิ่น อ่ะ หมอแคนสาวดาว ดาวเสน่ห์ คนโก้ โยธิกา ศรีวิไล เป็นคนเก่งนะ..แต่กะขาดคนผลักดัน กะเลยมิดจั๊ดดับคาวงการ เหอ เหอ

คันอยากดังคงที่ ต้อง อาศัยเขามาหากิน ใน กทม. นำแหน่ คือสิดีดอก.....

แต่ว่าคัน แม่ราตรี มีโอกาส ได้ไปแสดงใน โรงเบียร์ คันทรี่เพลส กะแม่ใหญ่บานเย็นคือสิดี

แต่นี้ เพิ่นบ่เฮ็ด....แม่ราตรีกะเลย มิดจั๊ด....ที่สำคัญ เพิ่นบ่ค่อยเดินกลอนตลาด มีแต่ลำ ลำ ลำ ลำ แร้วกะลำ

กะเลยบ่สู้ พวก เดินกลอน ตลาดจั่งหมอลำอุบล

บอกไปแร้วเด๊ะว่า..หมอลำขอนแก่นนะมีแต่ ลำ ลำ ลำ ลำ เต้ย 1 กลอนกะลำอีก

แต่หมอลำอุบล จั่ง แม่ใหญ่บัวผันหนิ.......เต้ย เต้ย เต้ย จัดไป จัดไป......สมัยนี้ต้อง เต้ย เต้ย เต้ย...เด๊ะ อ้ายโจ

ส่วนเรื่องลงชื่อ บ่ลงดอก ค้าน...ซัง ไปลงซื่อได้จั่งใด๋ กะบอกแร้ว บัวผัน ไอดอล สาวขี้ดื้อเด๊ะ อ้ายโจ

คันสิฟ้องกระทรวงวัฒนธรรม อ้ายโจเอิ้นเอา....เจ๊เบียบ ระเบียบรัตน์ไปนำเด้อ...รับรอง ดัง เป็นพุแตก แน่ noomjo ณ เวปลูกทุ่งหมอลำดอทคอม 555+


« ตอบกลับ #14 เมื่อ: กรกฎาคม 13, 2009, 10:23:57 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
หนุ่มโจหนิ เว๊าไปฮอดเวียงจันทร์แล้วยังโงมาหาผมอยู่เนาะ ไคอยู่สาวขี้ดื้อบ่เชื่อเจ้าว่าผมเฒ่าบอกแล้วความจริงมันกะคือความจริง มีแต่หนุ่มโจล่ะ แว๊ปไปแว๊ปมาภาพแต่ละภาพข้อมูลแต่ละอย่างจักเอามาแต่ไส ปานคนสมัยหมอลำแคนดวงเดียว หมอลำบัวผันเดียวนี้ในเน็ตหนิกะเพิ่นนั่นล่ะคนเบิ่งหลายไผกะว่า ผมกะบ่ได้มักส่วนตัวหลายดอกเพียงแต่มีโอกาสซื่อ ๆ แล้วกะเรื่องแม่ราตรีหน่ะ เดียวนี้ลูกศิษย์เพิ่นที่เป็นไทบ้านผมมาลำบ้านจะของกะร้องคือกันเพลงซุบบักมี่นั่นหน่ะบ่ว่าสิเป็นลูกศิษย์แม่ราตรีอีกหลายๆคนเขากะพยายามปรับไปร้องตามใจวัยรุ่นคือกันเพราะว่ามันกะต้องเอาใจกลุ่มเป้าหมายหลักไว้ก่อนช่วงสามสี่ทุ่มกะลำกลอนสมัยเก่าพุ้นล่ะตกดึกมาผู้เฒ่าเมือนอนจั่งค่อยเต้ยแล้วกะร้องเอาใจวัยรุ่นทีหลัง ส่วนน้องก้อยกะคักอิหลียกโป้แถมก้อยทั้งซ้ายทั้งขวาเลย ข้อมูลแน่นหลายปานสารานุกรมหมอลำ บาดได้หนังสือไปแล้วรับรองมาตรฐานการเป็นปราชญ์หมอลำให้เลย สรุปแล้วหมอลำแต่ละคนมีทางของไผของมันครับ แค่เพียงว่าเฮ็ดในสิ่งที่จะของเอ็ดได้ดีแล้วกะให้ความสุขกับคนเบิ่งกะถือว่าแต้มแต่งสีสรรค์สวรรค์คนบ้านนาแล้วล่ะ


« แก้ไขครั้งสุดท้าย: กรกฎาคม 13, 2009, 10:33:08 PM โดย คนบ้านหนองตูม »

« ตอบกลับ #15 เมื่อ: กรกฎาคม 14, 2009, 02:33:56 AM »

69club

  • บุคคลทั่วไป
บ่ได้หย่อง อ้ายกบเด๊ะจร้า...สาวขี้ดื้อ ว่าไปตามที่เคยเห็นเนาะอ้ายเนาะ

แต่ว่าอ้ายโจนี้ติ....ลึกลับอีหลี...ระวังโต๋ไว้ดีๆนะ....เด๋วสิส่งสายสืบไปจอบ จักมื้อ

บ่เปิดเผยโต๋หลายกะด๋าย......มิดจี่หลี่ไปไสแร้วน้อ.....คิดฮอดอ้ายโจเด๊....

เว้านัวหัวม่วนกันเด้ออ้ายโจ...อย่าเคียดเด้ออ้าย....มา มา มา

มาเว้ากัน อ้าย........

« ตอบกลับ #16 เมื่อ: กรกฎาคม 14, 2009, 03:14:25 AM »

ออฟไลน์ front

ว่าแต่มีเสียงดนตรี มันกะเป็นเหิบๆๆๆ ขึ้นมาโล้ดละ

จะแม่นเพิ่นลำหรือเพิ่นเด้าหรือแนวได่ฮั่งแม่น ขี้ดินไง่ท่วนๆๆ

สาวขี้ดื้อเว่าจนเห็นภาพเลยเน้อคราฟ สุดยอดของการรายงาน

มักๆๆ คือเก่าคราฟ.....

« ตอบกลับ #17 เมื่อ: กรกฎาคม 14, 2009, 10:55:15 AM »

69club

  • บุคคลทั่วไป
ว่าแต่มีเสียงดนตรี มันกะเป็นเหิบๆๆๆ ขึ้นมาโล้ดละ

จะแม่นเพิ่นลำหรือเพิ่นเด้าหรือแนวได่ฮั่งแม่น ขี้ดินไง่ท่วนๆๆ

สาวขี้ดื้อเว่าจนเห็นภาพเลยเน้อคราฟ สุดยอดของการรายงาน

มักๆๆ คือเก่าคราฟ.....

เอ๊า กะยังว่า ไปสัมผัสมาเอง อะนะ

บ่เห็นกะตาว่าบ่ได้เด๊ะ.....

« ตอบกลับ #18 เมื่อ: กรกฎาคม 14, 2009, 06:25:48 PM »

ออฟไลน์ thongsiangthao

ให้เว้านำจักคนแหน่

กะถืกเหมิดสุคนหั้นหละเนาะ  ถืกคนละแบบ 
แบบได๋วะติ  ถืกแบบหนุ่มโจ กะคือ 

1.การแสดง  หรือเว้าสรุป การเต้นกะแล้วกันเนาะ  สรุปว่า การเต้นของหมอลำซิ่ง บ่สุภาพ  แล้วกะเว่อเกินไป  จนเกินพอดี  (บ่ได้ว่าไผเด้อ สรุปจากที่เว้ากันมา)
2. การร้อง และการลำ  อันนี้คือจุดสำคัญ  เพราะที่กำลังเว้าถึงคือ หมอลำ

   ทีนี้  แยกประเด็นให้ชัดเจนอีกที  ส่วนตัวผมว่าเด้อครับ สุมื้อนี้ต้องแยกให้ชัดเจน

  สมัยใหม่ที่แม่ราตรีเฮ็ดหมอลำนั้น  ผมเอิ้นว่า  "หมอลำกลอนซิ่ง"  แต่สุมื้อนี้เอิ้นว่า "หมอลำซิ่ง"  บ่มีคำว่า กลอน

  ลักษณะของหมอลำกลอนซิ่ง กับ หมอลำซิ่งสิต่างกัน

  หมอลำกลอน  ผู้ลำจะต้องมีคุณสมบัติ (เท่าที่ผมฮุ้เด้อ...ถืกบ่ถืกอย่าว่ากัน) เช่น  โอ่  เป็น (ขึ้นลำกลอนเป็น)  อันดับแรก ครูสอนหมอลำเพิ่นบอก

ว่า หมอลำจะต้องโอ่เป็นก่อน  ฉะนั้นผู้เรียนหมอลำ สิต้องเรียนโอ่ก่อน  โอ่เป็นแล้วกะฝึกซ้อมเป็นยก คือมวย

ยกแรก  เว้าเรื่องหยัง ยกสองเว้าเรื่องหยัง ยกสามเว้าเรื่องหยัง

เดินนิทานเป็นบ่    เดินดงเป็นบ่  เอิ้นว่า ซ้อมเป็นหมอลำกลอน  ยากเย็นแสนเข็ญอีหลี 

ข้อสำคัญ ที่หมอลำกลอนซิ่ง  และหมอลำซิ่ง สุมื้อนี้เฮ็ดบ่ได้กะคือ  การท่องกลอนลำที่มีเนื้อหาประชัน  และเนื้อหาเป็นคำถาม คำตอบกัน 

ยุคก่อนหน้านี้ หมอลำกลอนที่ถือว่าเป็นหมอลำครู  เพราะว่าสิไปลำงานได๋  ก็ลำถืกงาน  เช่น ไปงานบวช กะลำเรื่องบวช ไปงานแจกข้าวกะลำเรือ่งแจกข้าว ไปลำงานฉลองโบสถ์ กะลำเรือ่งอานิสงค์สร้างโบสถ์ ฯลฯ   ส่วนหมอลำประเภทอื่นเฮ็ดบ่ได้ เช่นหมอลำหมุ่ซ้อมเรือ่งได๋ กะลำเรือ่งนั้น

เพราะฉะนั้ืนหมอลำกลอน จึงเป็นหมอลำชั้นครู  ถ้าสมองบ่ดี  บ่เก่ง บ่มีพรสวรรค์เป็นหมอลำกลอนบ่ได้

หมอลำสมัยสุมื้อนี้ ซอกหาจั่งได๋กะบ่พ้อ  เหตุผลติ๊ (ส่วนหนึ่งกะคือที่สาวขี้เดื้อวิเคราะห์มาแล้ว)

สำคัญที่สุด  คือ คนบ่นิยม  ซึ่งก็หมายถึงบ่มัก  บ่อยากฟัง  นั่นเอง  เฮ็ดให้บังคับหมอลำต้องปรับตัว  ไปเล่นแบบ "ตามใจผู้ฟัง"

ต่อมาเมื่อมีการพัฒนาเป็นหมอลำกลอน ซิ่ง   ก็เพียงแค่  ใส่จังหวะดนตรีเพิ่มเข้าไปในช่วงที่ลำเร็ว แล้วกะมีจังหวะฟ้อน  สังเกตหมอลำสังวาลน้อยกะได้ (ยุคเริ่มแรก)

ส่วนหมอลำซิ่งนั่น  พัฒนามาอีกแบบคือ บ่ต้องท่องกลอนหลาย  แต่เน้นเต้ย  เน้นเพลง  สุมื้อนี้กะเลยมีลักษณะคล้ายคอนเสิร์ต น้อย ๆ กลิ่นอายหมอลำนิดๆ  จั่งเอิ่้นว่า "หมอลำซิ่ง" 

สรุปคือ ผมแยกออกระหว่าง "หมอลำกลอนซิ่ง" กับ  "หมอลำซิ่ง"  ต่างกันตรงที่วิธีการนำเสนอ   หรือวิธีการแสดง

แต่สุมื้อนี้ หมอลำกลอนซิ่ง  หายาก  ส่วนมากมีแต่ หมอลำซิ่ง  เน้นม่วนอย่างเดียว บ่ได้เน้นเนื้อหาสาระ  และเน้นลามก  ไม่ใช่ลามกแบบมีชั้นเชิงคือสมัยเก่า

อีกอย่างหนึ่ง  ปัจจัยสำคัญก็คือ "ผุ้ฟัง"  หรือ  "ผู้เบิ่ง"  มีส่วนในการกำหนดทิศทางและรุปแบบของหมอลำ

คำว่า ผู้ฟัง กับ  ผุ้เบิ่ง  ก็แน่นอนว่า  ยุคสมัยนี้  สิหาคนเลือกฟังหมอลำกลอน หรือหมอลำกลอนซิ่ง แบบสมัยเก่ามีน้อยลง  ถึงมีกะบ่หลายสู้คนยุค

ใหม่นี้บ่ได้  ยุคใหม่เพิ่นมักแบบ บ่ต้องลำหลาย  (ขี้คร้าน...ฟัง)  คือขี้คร้านฟังลำ  แต่มักร้อง  มักเต้ย  มันเต้น  มัก...เบิ่ง เต้น 

เพราะฉะนั้น  การแสดงจึงเปลี่ยนมาเอาใจ  ให้ฟังเต้ยหลาย ๆ ให้เบิ่งวับแวมๆ  และเบิ่งการแสดงที่ยั่วยวน  โชว์ส่วนสัด  โชว์ทุกอย่างที่เบิ่งแล้วสิดึงคน

ไว้ได้  สุมื้อนี้การแสดงหมอลำซ่ิง  ให้สังเกตกลุ่มคนเบิ่งกะแล้วกัน นั่นแหละคือคำตอบที่ดีที่สุด


ส่วนถืกแบบสาวขี้ดื้อ  กะคือถืกแบบที่วิเคราะห์มาหั้นหละ 

ผมถือว่า "ม่วน"  เพราะว่าแต่ละคนเบิ่งหมอลำแล้วเบิ่งเป็น

ฮู้จักหาความรู้จากหมอลำ  เบิ่งแล้วบ่แบกไว้  บ่ถือไว้ว่า หมอลำวงนี้ วงของข้อย ของเป็นแฟนคลับ ข้อยฮักวงนี้ อีหยังวงนี้ดีเหมิด  วงอื่นสุ้บ่ได้ 

อันนี้บ่ค่อยเป็นกลางปานได๋ แต่สาวขี้ดื้อ พยายามเฮ็ดให้คนเบิ่งหมอลำแบบเป็นกลาง คือเบิ่งทุกคณะ ตัวอย่างเช่น  เว้าเรื่องเครือ่งเสียง  สาวขี้ดื้อกะวิ

เคราะห์ได้ถืกใจตาหน่าย  (ลำดับได้ดี และมีเหตุผลพร้อม )  ที่น่าเชื่อถือเพราะความวางตัวเป็นกลางสำหรับทุกคณะของเพิ่น

เพราะฉะนั้นกะถืกสุคน  ขอให้ฮักหมอลำอีหลีท่อนั้นหละ  ถืกเหมิด  คือถืกคีงคนฮักหมอลำจั่งได๋ละครับ

(เอาซ่ำนี้หละเนาะ  หวังว่าคงบ่ขี้คร้านอ่าน ) 

« ตอบกลับ #19 เมื่อ: กรกฎาคม 14, 2009, 08:28:13 PM »

69club

  • บุคคลทั่วไป
ขอบคุณอ้ายทอง สำหรับความรู้ใหม่อีกแร้ว พี่น้องงงงงงงงงงงง

แร้วกะขอขอบคุณ สำหรับ คำชม ที่ ให้สาวขี้ดื้อมาเด้อจ้า....

« ตอบกลับ #20 เมื่อ: กรกฎาคม 15, 2009, 08:26:44 AM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
แต่ว่าซุมื้อนี้ถ้าไผอยากจ้างหมอลำกลอนสมัยเก่ากะมีคือเก่าเด้อบ่แม่นว่าบ่มี  ราคาแพงอีกต่างหาก แต่ถ้าได้ลองฟังเบิ่งสิได้เห็นถึงความงดงาม กับความเป็นอัจฉริยะของคนที่แต่งกลอนลำของหมอลำกลอนสมัยก่อน บ้านผมหน่ะเวลาบุญกฐินของหมู่บ้านจ้างแต่หมอลำกลอนสมัยเก่ากับหมอลำชิงชู้ เพราะว่าบ้านผมบ่ออนซอนหมอลำสมัยใหม่ แต่ถ้าบุญบั้งไฟกะต้องเอาแบบม่วนๆสุดไปเลย แล้วแต่ลักษณะงาน

« ตอบกลับ #21 เมื่อ: กรกฎาคม 15, 2009, 01:56:55 PM »

69club

  • บุคคลทั่วไป
บ้านสาวขี้ดื้อ กะมีที่เป็นหมอลำอยุ่ สอง สามคน จ้า ยามมีบุญผ่าป่า กะมาลำให่โลด

ภาพนั้นยังจำติดตา...สองผัวเมีย ขับรถ อาร์ ซี 100 สีแดง ผัวขับ เมียซ้อน

ใส่ชุด คือหมอลำสมัยเก่า...มาฮอดเฮือนผู่ใหญ่บ้าน...ทันโดนกะ ได้ยินเสียง..เป่าแคนว่อน ว่อนมา

จำได้เสมอ...ว่า นี้ล่ะ หมอลำ ทองขัน แม่ผัน กะพ่อใหญ่เหลี่ยม....

แล้วบ้านสาวขี้ดื้อ กะสิมีวงกลองยาวประจำหมู่บ้านเอาไว้แห่ กันหลอน แห่ผ่าป่า...แต่บัดพออีพ่อใหญ่ทวี เพิ่นตาย กะเลยบ่มีคนานต่อ

เด๋วนี้ กลองยาว กลองโทน รำมะนา ฉิ่ง ฉาบ ฆ้อง กะยัง กองอยู่ บ้าน พ่อใหญ่แสน แม่ใหญ๋ทอง พ่อจ้ำ ดูแลปู่ตา จะจำบ้านสาวขี้ดื้อนี้ล่ะ

แต่ว่าคุมื้อนี้...บ่มี บรรยากาศแบบนั้นแร้ว...เพราะว่า หมอลำผัน ตาย หนีจาก หมอแคนเหลี่ยมไปแร้ว  เหลือไว้แต่ซื่อ กะความทรงจำดีๆ ของสาวขี้ดื้อ

บ้านสาวขี้ดือ เป็นหมุ่บ้านน้อยๆ บ่จักหลังคาเรือน โดนๆสิมีจ้างหนัง จ้างหมอลำมาเทื่อ นึง......

แต่ถ้าเว้าถึงเรื่อง ยามเป็นบุญเป็นงาน เอาเครื่องแห่ หนิ บ่ต้องห่วง เทศกาลเมือบ้านยามใด๋ เต้นเกิบขาด คุงานเด๊ะ จร้า.....

« ตอบกลับ #22 เมื่อ: กรกฎาคม 15, 2009, 04:07:40 PM »

ออฟไลน์ เจ.พี.

  • "สารคามน้ำบ่ต้อง"
  • แฟนลูกทุ่งหมอลำระดับ 1
  • **
  • กระทู้: 73
  • "ทีมงานตัวเบา"
ขอบคุณอ้ายทอง สำหรับความรู้ใหม่อีกแร้ว พี่น้องงงงงงงงงงงง

แร้วกะขอขอบคุณ สำหรับ คำชม ที่ ให้สาวขี้ดื้อมาเด้อจ้า....
ยุบ้านสาวถีบ้านหมู่ผมกะมีครับ
ลำใสแคนเต้าเดียวหนิหละ  ที่ฮู้จักกะคือว่าเครื่องเสียงหมู่ผม
ได้ไปนำเพิ่นยุครับ  ถ้าสนใจกะติดต่อเพิ่นได้ครับ
หมอลำมีแต่รุ่นเก๋าๆๆครับ  อดีตพระเอกนางเอก
วงหมอลำดังๆซุมื้อนี่หละครับ

« ตอบกลับ #23 เมื่อ: กรกฎาคม 15, 2009, 04:15:38 PM »

ออฟไลน์ coffee

เห็นบอกว่ามีบัวผัน-เด่นชัย ชุดที่ 3 ออกมาสนใจมากเลยหาซื้อได้ที่ไหนบอกด้วยจ้า
coffee.tan@hotmail.com

« ตอบกลับ #24 เมื่อ: กรกฎาคม 15, 2009, 06:51:36 PM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
หมอลำพันปี อายุหมอลำรวมกันได้พันปีบ่ครับ

« ตอบกลับ #25 เมื่อ: กรกฎาคม 15, 2009, 08:08:27 PM »

ออฟไลน์ ไอ้เก่ง คนเลย

  • ปรับปรุงใหม่ สดใสตลอดกาล http://www.youtube.com/watch?v=mm15yYdFQ2k
  • ผู้ช่วยผู้ดูแลเว็บ
  • *
  • กระทู้: 3,807
  • บางคน เขาเกิดมา เพื่อให้เราได้รัก..ไม่ได้ให้ลืม...
บ้านสาวขี้ดื้อ กะมีที่เป็นหมอลำอยุ่ สอง สามคน จ้า ยามมีบุญผ่าป่า กะมาลำให่โลด

ภาพนั้นยังจำติดตา...สองผัวเมีย ขับรถ อาร์ ซี 100 สีแดง ผัวขับ เมียซ้อน

ใส่ชุด คือหมอลำสมัยเก่า...มาฮอดเฮือนผู่ใหญ่บ้าน...ทันโดนกะ ได้ยินเสียง..เป่าแคนว่อน ว่อนมา

จำได้เสมอ...ว่า นี้ล่ะ หมอลำ ทองขัน แม่ผัน กะพ่อใหญ่เหลี่ยม....

แล้วบ้านสาวขี้ดื้อ กะสิมีวงกลองยาวประจำหมู่บ้านเอาไว้แห่ กันหลอน แห่ผ่าป่า...แต่บัดพออีพ่อใหญ่ทวี เพิ่นตาย กะเลยบ่มีคนานต่อ

เด๋วนี้ กลองยาว กลองโทน รำมะนา ฉิ่ง ฉาบ ฆ้อง กะยัง กองอยู่ บ้าน พ่อใหญ่แสน แม่ใหญ๋ทอง พ่อจ้ำ ดูแลปู่ตา จะจำบ้านสาวขี้ดื้อนี้ล่ะ

แต่ว่าคุมื้อนี้...บ่มี บรรยากาศแบบนั้นแร้ว...เพราะว่า หมอลำผัน ตาย หนีจาก หมอแคนเหลี่ยมไปแร้ว  เหลือไว้แต่ซื่อ กะความทรงจำดีๆ ของสาวขี้ดื้อ

บ้านสาวขี้ดือ เป็นหมุ่บ้านน้อยๆ บ่จักหลังคาเรือน โดนๆสิมีจ้างหนัง จ้างหมอลำมาเทื่อ นึง......

แต่ถ้าเว้าถึงเรื่อง ยามเป็นบุญเป็นงาน เอาเครื่องแห่ หนิ บ่ต้องห่วง เทศกาลเมือบ้านยามใด๋ เต้นเกิบขาด คุงานเด๊ะ จร้า.....

ทุกอณู ของเซลส์ในร่างการ คือสิมีแต่..........อะตอม ของศิลป์อีสานเนาะ......55555++.

« ตอบกลับ #26 เมื่อ: กรกฎาคม 15, 2009, 11:21:13 PM »

ออฟไลน์ เจ.พี.

  • "สารคามน้ำบ่ต้อง"
  • แฟนลูกทุ่งหมอลำระดับ 1
  • **
  • กระทู้: 73
  • "ทีมงานตัวเบา"
หมอลำพันปี อายุหมอลำรวมกันได้พันปีบ่ครับ
แม่นครับอ้าย
ทางหัวหน้าวงเพิ่นกะวาจั่งซั่นหละครับ
อิอิอิ ;D ;D ;D

« ตอบกลับ #27 เมื่อ: กรกฎาคม 16, 2009, 08:20:04 AM »

ออฟไลน์ @หนองตูมCity

  • ลำทางสั้นสู้ตาย ลำทางยาวสู้บ่ถอย
  • ผู้ช่วยผู้ดูแลเว็บ
  • *
  • กระทู้: 852
  • เริ่มฤดูกาลใหม่ต้องทำลายสถิติ
    • MSN Messenger - nanongtoom@hotmail.com
หมอลำพันปี อายุหมอลำรวมกันได้พันปีบ่ครับ
แม่นครับอ้าย
ทางหัวหน้าวงเพิ่นกะวาจั่งซั่นหละครับ
อิอิอิ ;D ;D ;D
เว๊านัวหัวม่วนไปสื่อๆดอกเด้อครับ ถ้าไผเป็นลูกหลานหมอลำเพิ่นกะขอโทษเด้อครับ ฮ่าๆ หมอลำเก่าจงเจริญ ๆ เด้อ 

« ตอบกลับ #28 เมื่อ: กรกฎาคม 16, 2009, 05:43:21 PM »

69club

  • บุคคลทั่วไป
เห็นบอกว่ามีบัวผัน-เด่นชัย ชุดที่ 3 ออกมาสนใจมากเลยหาซื้อได้ที่ไหนบอกด้วยจ้า
coffee.tan@hotmail.com

ร้าน ซีดี ชั้นนำทั่วประเทศเด้อ....พี่นี...ถามได้เลย

« ตอบกลับ #29 เมื่อ: กรกฎาคม 16, 2009, 05:46:08 PM »

69club

  • บุคคลทั่วไป
บ้านสาวขี้ดื้อ กะมีที่เป็นหมอลำอยุ่ สอง สามคน จ้า ยามมีบุญผ่าป่า กะมาลำให่โลด

ภาพนั้นยังจำติดตา...สองผัวเมีย ขับรถ อาร์ ซี 100 สีแดง ผัวขับ เมียซ้อน

ใส่ชุด คือหมอลำสมัยเก่า...มาฮอดเฮือนผู่ใหญ่บ้าน...ทันโดนกะ ได้ยินเสียง..เป่าแคนว่อน ว่อนมา

จำได้เสมอ...ว่า นี้ล่ะ หมอลำ ทองขัน แม่ผัน กะพ่อใหญ่เหลี่ยม....

แล้วบ้านสาวขี้ดื้อ กะสิมีวงกลองยาวประจำหมู่บ้านเอาไว้แห่ กันหลอน แห่ผ่าป่า...แต่บัดพออีพ่อใหญ่ทวี เพิ่นตาย กะเลยบ่มีคนานต่อ

เด๋วนี้ กลองยาว กลองโทน รำมะนา ฉิ่ง ฉาบ ฆ้อง กะยัง กองอยู่ บ้าน พ่อใหญ่แสน แม่ใหญ๋ทอง พ่อจ้ำ ดูแลปู่ตา จะจำบ้านสาวขี้ดื้อนี้ล่ะ

แต่ว่าคุมื้อนี้...บ่มี บรรยากาศแบบนั้นแร้ว...เพราะว่า หมอลำผัน ตาย หนีจาก หมอแคนเหลี่ยมไปแร้ว  เหลือไว้แต่ซื่อ กะความทรงจำดีๆ ของสาวขี้ดื้อ

บ้านสาวขี้ดือ เป็นหมุ่บ้านน้อยๆ บ่จักหลังคาเรือน โดนๆสิมีจ้างหนัง จ้างหมอลำมาเทื่อ นึง......

แต่ถ้าเว้าถึงเรื่อง ยามเป็นบุญเป็นงาน เอาเครื่องแห่ หนิ บ่ต้องห่วง เทศกาลเมือบ้านยามใด๋ เต้นเกิบขาด คุงานเด๊ะ จร้า.....

ทุกอณู ของเซลส์ในร่างการ คือสิมีแต่..........อะตอม ของศิลป์อีสานเนาะ......55555++.

แม่นแร้วจ้า...พี่เก่ง.....

ไผ๋ว่าชัยภูมิเศร้า เซาๆ เว้าบ่แม่น เสียงพิณแกนดังจ้น มันสิเศร้าได้จั่งใด๋

ขอเซิญอนุรักษ์ไว้...ศิลปะพื้นอิสาน....รักษาไว้นานๆ ให้ลูกหลานได้รับรู้

เลือดอิสาน ขนานแท้...บ่เคยอ้ายเด๊ะอ้ายเก่ง ไผ๋สิมาว่า ลาว แท๊ะ...กลับภูมิใจด้วยซ้ำ...ที่มีคนมาย่อง อิอิ.......

« ตอบกลับ #30 เมื่อ: กรกฎาคม 26, 2009, 02:53:37 AM »

ออฟไลน์ NOOMSOD

กะทู้ดีมีสาระ อ่านนำกันเดอชาวเวป  ผมละเกิดภาพพจน์ว่า มีสมัยเก่ากับสมัยใหม่ ในกะทู้นี้

« ตอบกลับ #31 เมื่อ: ตุลาคม 14, 2009, 03:02:41 PM »

ออฟไลน์ zelo2000

มัน น ๆ  ;D

« ตอบกลับ #32 เมื่อ: ตุลาคม 16, 2009, 11:07:32 PM »

ออฟไลน์ lalita

วันหลังขอไปด้วยคนนะ

« ตอบกลับ #33 เมื่อ: พฤศจิกายน 07, 2009, 04:11:39 PM »

ออฟไลน์ kongkoinoi

วันหลังขอไปด้วยคนนะ
อยากไปนำเผิ่นเด้  หุหุหุหุ 

« ตอบกลับ #34 เมื่อ: พฤศจิกายน 07, 2009, 04:16:34 PM »

ออฟไลน์ kongkoinoi

อ้ายโจ....อย่าฟ้าวสูน มาฟังสาวขี้ดื้อ แถลงการณ์แหน่จักหน่อย...

มาเว้าเรื่อง ลีลาการลำ จักหน่อยเด้อจ้า

สาวขี้ดื้อ นี้ขอชื่นชมอันดับแรก คือเรื่องกลอนลำเด้อจ้า..เข้าสมัยอยู่....แต่ว่า บ่มักอย่างหนึ่งกะคือ กลอนลำเด๋ว หากินเบิดซุม

บ่ว่า ศรีจันทร์ วัชราภรณ์ เด่นชัย บัวผัน เพ็ญนภา แม๊กระทั่ง อ้ายขุนพล เองกะลำกลอนเด๋วกันเบิด เด้อจ้า

พ่อซายกะกลอนเด่ว..กันเลย...ว่าจั่งซี้ล่ะ *** อ้าวห่านี้ มาฟังลำซิ่ง ลำซิ่ง ลำเดิน แบบใหม่ พระนารายณ์วาดฟ้อน..เกี้ยวเข่าใส่กัน อันนั่นเด้อ นั่นน๊า...พะนะ

อันแม่หญิง...กะ กลอนเด๋วกันเลยอะนะ....****หน่ำเจ้าหน่ำมือกลองเจ้าหน่ำ หน่ำเจ้าหน่ำมือเบสเจ้าหน่ำ หน่ำเจ้าหน่ำมือแซกเจ้าหน่ำ หน่ำเจ้าหน่ำหางเครื่องเจ้าหน่ำ หน่ำเจ้าหน่ำเจ้าภาพ เจ้าหน่ำ...

นี้ล่ะ...กลอนหากินไปอัดวีซีดียามใด๋กะกลอนนี้...จ้า...

สาวขี้ดื้อ ฟังดุ๊ ไปเบิ่งดุ๊จนจำได้...เลยพี่น้อง

ต่อมาค่ะต่อมา...ลีลาการฟ้อนหรือว่าสเตทหน้าเวทีของหมอลำฝ่ายหญิง ฝ่ายชายเด้อจ้า..เอาหมอลำอุบล ไปเทียบกะหมอลำขอนแก่นหรือกาฬสินธ์เด้อจ้า

คันไผ๋ได้เบิ่ง วีซีดี บันทึกการแสดงสดเด้อจ้าบ่จำเป็นต้องเป็นของท๊อบไลน์กะได้....โปรดสังเกตเบิ่งว่าแม่นคือสวขี้ดือ้ว่าบ่

หมอลำอุบลนี้ สิเต้น สิฟ้อน  แต่ยามสิเปลี่ยนกลอนหรือเวลาลงยก...แต่บัดยามร้องเพลง เดินกลอน หรือว่ายามซิ่ง สิยืน เก่เด่...ทางภูเขียวเอิ้นว่า..ยืนลำ คือจั่งปราศัยหาเสียงแหม พี่น้อง...

เป็นคือกันเบิ๊ด เด่นชัย ศรีจันทร์ วัชราภรณ์  จิระพันธ์ ยกเว้นบัวผันคนเดียว ที่ เพิ่นสิ เต้นเด้าตลอด บ่มีคำว่าเมื่อย

ลักษณะจั่งบัวผัน ภาษาหมอลำ เอิ้นว่า ยอกหรือ ขยอก เสียง ให่ออก เพราะบัวผันเป็นคน..เสียบแหบ เสียงบ่มี

แต่คันไผ๋มีโอกาสไปเบิ่งลำซิ่งขอนแก่น สารคาม หรือว่ากาฬสินธ์เด้อจ้า...โปรดสังเกตุอีกเช่นกัน

 หมอลำทางนี้ สิเต้น สิฟ้อนแบบโสล้มโสตายเลย  ออกวาทออกศิลป์ บู้ยยยยยย เป็นตาหน่ายอีหลี ต่างกันโดยสิ้นเชิงเลยกะหมอลำ อุบล

บัดนี้โงมาทางกลอนลำเด้อจร้า สังเกตหมอลำอุบล สิลำหน่อยๆ เต้ยเพลงตามคำขอหลายๆ เพราะว่าเต้ยดุปานใด๋ เงินกะสิหลายตามนั้น

หมอลำทางขอนแก่น สารคาม กาฬสินธิ์ ลำนิทาน เดินกลอน 30 นาที กะบ่ลงเป็น เต้ยกะเต้ยหน่อยๆ ลำเป็นหลัก

บัดนี้พอมีแต่ลำ กะเลยต้องมีวาท มาตาม อกี..เลยเฮ้ดให่หมอลำ ทางขอนแก่น สารคาม กาฬสินธ์ มีวาทมีทรงก่อ ทางอุบล

แต่มาเว้าถึงเอกลักษณ์ส่วนบุคคลของหมอลำเด้อจ้า

เอาเป็นคนๆเลย ตามสไตล์ สาวขี้ดื้อ คิดเอาเอง

อ้ายศรีจันทร์  ถือได้ว่าเสียงดีมากมาย นะคะ แต่ฟ้อนหลายบ่ได้ เพิ่น เฒ่าแร้ว..

อ้ายจีระพันธ์  แต่กี้สาวขี้ดื้อนึกว่าแม่นคนๆเดียวกันกับอ้ายยศรีจันทร์  ข้อเสียของอ้ายจีรพันธ์คือ ผิดคีย์ดุ๊ ร้องเพลงกะมั่วบ่ตามเนื้อ

มาฮอดอ้ายเด่ยชัย  คนนี้บ่มีหยังสิติเพิ่น ทั้งเรื่องลำ เรื่องร้อง อ้ายเพิ่นเก่ง แต่เสียอย่างเดียว บ่ว่าร้องหรือลำ อ้ายเพิ่นสิ ยืน กระดิกขาเอา ซือ่ๆ..ลาวย้านเมื่อยบ่ สาวขี้ดื้อ กะบ่รู้นำ

สาววัชราภรณ์ นี้ ถือได้ว่าเป็นหมอลำที่เขี่ยมมากๆนะคะ..เอาไปเป็นนางเอกหมอลำหมู่ได้เลย..เสียงดีลำม่วน...บ่ขอติ

มาฮอดเอื้อยกุ้ง สุภาพร  สาวคนนี้เป็นสาวหุ่นบางร่างน้อย ใส่เสื้อผ่า กะน้อยตามโต๋ จนว่าโป้ กะว่าได้ เสียงแหลมได้ใจ ร้องได้ทุกเพลง แต่มักแปลงเพลงให่ ทะลึ่งลามก อะนะ

มาฮอด ทรอปปิค ของพี่โจ เด้อจ้า สาวบัวผัน  ทังโส

คนนี้ สาวขี้ดื้อมักเด้อจ้าอ้ายโจ...เป็นสตรีนางหนึ่งที่เป็นต้นแบบของ สาวขี้ดื้อ ในเรื่องของการ เอนเตอร์เทนคน..แต่ขอติคือพี่โจ ว่า หมอลำเด้อจ้า หมอลำ บ่แม่น หมอ เอา ย.ยักษ์มาใส่ แร้วลำ

แต่คือจั่งพี่กบว่าจร้า  เอกลัษณ์เฉพาะโต๋..ซึ่งสิเป็นจุดขาย..ของโต๋ศิลปินเอง เฮ้ดแร้ว..เขาซำบายใจที่เฮ็ดกะปล่อยไป

ขนาดไมค์เคิล ยังลูบ น้องซายจะของ เต้น กะยังดังดอก..อ้าย..หั่ง บ่เปนตาเบิ่ง คือจั่งผัวบันเด้าตั๊วะอ้าย

ถืกคอนเซปแร้วล่ะ...หมอลำซิ่ง ของแท้ต้องมีเด้า.....555555+

นานาจิตตัง..จ้า..มีหยัง โสเหล่ หลังเวทีเด้อ พี่กบ พี่โจ.....

สาวขี้ดือ้ ณ ภูเขียว ...............พิพม์

แฟนคลับลูกทุ่งหมอลำดอทคอม............อ่าน

กูรู หมอลำซิ่งคนใหม่ ของวงการหมอลำซิ่ง  เด้นี่    สนับสนุนนนนน

« ตอบกลับ #35 เมื่อ: พฤศจิกายน 14, 2009, 12:16:05 AM »

ออฟไลน์ chin88

.........................................
.........................................
.........................................
ใจรัก อุบลสายัณต์ซาวด์ 1997

ชอบพี่เด่นชัยครัฟ
........................................
........................................
........................................

« ตอบกลับ #36 เมื่อ: พฤศจิกายน 16, 2009, 12:13:49 PM »

ออฟไลน์ หนุ่มเมืองมหา

  • ผู้ดูแลบอร์ดระเบียบวาทะศิลป์
  • *
  • กระทู้: 5,517
  • คนบางคนมองเราด้วยความเข้าใจผิด คนบางคนตั้งใจที่ฯ
อยากเบิ่งคือกันครับ

ว่ามันจะสนุกคือที่ผ่านมาบ่

« ตอบกลับ #37 เมื่อ: พฤศจิกายน 17, 2009, 01:30:16 AM »

ออฟไลน์ chin88

สาวขี้เดื้อครับ
หมอลำเด่นชัยลำกลอนไม่ซำใครนะครับ
แต่งเองมาใหม่ทุกปีครับ
ได้ฟังกลอนลำเด่นชัย กลอนใหม่หรือยังครับ
ม่วนมากครับ

« ตอบกลับ #38 เมื่อ: พฤศจิกายน 18, 2009, 11:09:29 PM »

ออฟไลน์ = T O P =

  • แฟนลูกทุ่งหมอลำระดับ 2
  • ***
  • กระทู้: 150
  • ความหวังของคนจน...คืออยากรักคนที่จริงใจ
ผมคืออยากเบิ่งหมอลำเด่นชัยคักแท้น้อ

เฮ็ดจังได๋สิได้เบิ่งน้อ

« ตอบกลับ #39 เมื่อ: พฤศจิกายน 26, 2009, 06:32:15 PM »

ออฟไลน์ buranun

ไปดู  ยุ  คับ  สนุก ดี


ปล. ฝุ่นเยอะคนเต้นหลาย

 









หมอลำ | หมอลำซิ่ง | วงดนตรี | หมอลำ | เสียงอิสานแฟนคลับ | รับทำเว็บ อบต | รับทำเว็บเทศบาล

รับทำเว็บ