รับทำเว็บ สมุทรปราการ


คลิป คุณแม่นกน้อย อุไรพร พาลูกหลานเสียงอิสานขอขมาพ่อยงค์ ในวาระสุดท้าย

  • 2 ตอบ
  • 4776 อ่าน

0 สมาชิก และ 1 บุคคลทั่วไป กำลังดูหัวข้อนี้



เบิ่งแล้วสิไห้นำครับ ขอน้อมส่งดวงวิญญานคุณพ่อ พ่อคือศิลปินมรดกอีสานที่จะอยู่ในตำนานคนอีสานตลอดไป


.......สิ้นเสียงสั่งคำสุดท้าย   หมายความว่า “อโหสิ”
บ่ให้มีกรรมเวร      ลากเข็นไปภายพุ้น
ขอเอาคุณเคยผูกหมั่น   สัมพันธ์กันแต่ครั้งก่อน
มายกเป็นอุทาหรณ์  สอนใจงามทำใจไว้  ให้ทวนย้อนแต่สิ่งดี

......”เสียงอีสาน”  บ้านหลังนี้      ซ่ำน้องพี่อยู่นำกัน
เลียงอีลานพ่อใหญ่ยงค์   หากอยู่ยงบ่มีได้
มื้อนี้ไปในภพหน้า      เหมิดกายาเกิดมาฮ่วม
เกิดฮูปพ่างสังขารความ  มาอยู่รวมร่วมกินใช้  ในดินพื้นแผ่นอีสาน

...วัฒนธรรมศิลป์พื้นบ้าน   งานเลี้ยงหล่อลมหันใจ
เลี้ยงจนหายเหมิดลมหัน   ก็จากกันไปเพียงนี้
บ่แม่นมีแต่เพียงเจ้า   พ่อใหญ่เฮาผู้ไปก่อน
เหมิดสู่คนยามล้าอ่อน  ก็ต้องนอนสาดถ้า เวลาสิ้นนี้ดั่งกัน

 ....สิฮ้องไห้จนเกินกลั้น   วันสิอ่วยบ่มีกลับ
ผู้อยู่จับเอาธรรมลง      มาคึดปลงให้วางได้
อย่ายึดหลายร่างกายนี้   สิคือกันเหมิดโดยดั่ง
สุดท้ายข่อนไปสู่พัง  บ่มียังค้างโลกไว้  ในนี้แต่ผู้เดียว

...สุขอย่าสุกจนโลกเบี้ยว    จนเลี้ยวส่วนเลยธรรมสอน
อย่าคิดหลอนหลอกเจ้าของ   สู่อย่างมองเป็นธรรมไว้
โต-ตนไผบ่มีแท้      มีแต่ขันธ์จากธาตุสี่
น้ำ ดิน ลม ไฟอีหลี  อย่าเป็นผีก่อนตายแท้  แนแล้วเบิ่งเจ้าของ

....อีกบ่โดนคนก็ต้อง   ถึงหม่องมุดสุดลมดับ
ถึงหม่องจับบ่ไหวคีง   ถึงหม่องตีงบ่มีได้
ถึงหม่องตายบ่มีเว้น   ถึงหม่องเป็นกระดูกถ่าน
ถึงหม่องแตกของสังขาร  เหลือวิญญาณเพียงท่อนั้น  พากันฟ้าวเข้าเบิ่งธรรม...แหน่เด้อ ฯ

เห็นวีดีโอแม่ใหญ่นกขออโหสิพ่อใหญ่ยงค์ ก็เลยเขียนผญาบทนี้

ขอขอบพระคุณบทประพันธ์จาก  พระอาจารย์  จ. เขมจิตต์

 




...