รับทำเว็บ สมุทรปราการ


... ขอฝากโต ฝากใจ เป็นน้องใหม่ จักคนแน่เด้อครับ ...

  • 7 ตอบ
  • 1765 อ่าน

0 สมาชิก และ 1 บุคคลทั่วไป กำลังดูหัวข้อนี้



ขอฝากโตนำเอื้อยอ้าย   คนทั้งหลายที่เก่าใหม่  ขออาศัยเป็นหมู่เพื่อน   ในเฮือนเจ้าแน่จักคน

จากอุบลฯบ้านเกิดก้ำ   หาฟังลำหม่องได๋ม่วน  เพลงลูกทุ่งมักล้วน ล้วน  อย่าชวนอ้ายเบิ่งสตริง

มาขอสิง(เว้าปานผีเนาะ)นำเฮือนเจ้า  พอคลายเหงาจากเมืองใหญ่    จาก-กก-ไฮ-ห่ม-บักแต้   ดูแลบ้างแน่จักคน

แบกความจนออกจากบ้าน   หอบฝันหวานพร้อมหวังใหม่  ความตั้งใจนั้นเกินร้อย  บ่คอยฟ้าถ้าเบิ่งฝน

มาเห็นคนหลากหลายหน้า   รถไฟฟ้ากะได้ขี่  เอ็มอาร์ทีใต้ดินพร้อม  ยอมเป็นทาสเถ้าแก่เงิน

หนทางเดินหวนสิ้น   คนจากดินพร้อมฝันฝ่า  แล้วแต่โชควาสนา  สินำพาให้เรืองรุ่ง  สิขอมุ่งสู้ต่อไป

เว้าจากหัวใจคนบ้านนอก  คนกระจอกบ่ยิ่งใหญ่  ความจริงใจมีเกินล้าน  ขอฝากท่านเป็นหมู่เด้อ ขอรับกระผ้ม

[/size]

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #1 เมื่อ: กันยายน 16, 2009, 12:13:49 AM »
สวัสดีครับอ้ายชายทางอุบล คนเขื่องในพะนะ

ป้าดมาพ้อกันอีกแล้วเวปนี้ สงสัยเป็นสายแนนจองดึงจั่งมาพ้อ

แนวได่เน้อมาฮอดแล้วพร้อมความม่วน ชวนน้องเล่นลำร้องแม่นแอ่วลำแน่เด้อ อ้ายเอ่ย

อยู่ดีส่บายครับอ้าย โจโล่อ้ายชายหล่อสุด และสุดหล่อจากอุบล

ขอต้อนรับด้วยความจริงใจ พะนะ  .... คิดฮอดเด่เน้อ  คิดฮอดแฮงๆๆๆ


(งง ละสิว่าแม่นผู้ได่ ขาเดฟ ขาเดฟ พะนะ )

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #2 เมื่อ: กันยายน 16, 2009, 10:37:21 AM »

อ้ายกะแล่นนำโตมาอ่ะหล่ะ เดฟเอ๊ย เห็นน้องแนะนำ อ้ายกะเลยพ้อว้อ มานำซั่นดอก ย่านน้องมันม่วนเอาแต่เจ้าของเหว่ย

ฮ่า ๆ  ๆ  ฮิ้วววววววววว บ่มีไผซ่ำเนาะ มีตะซุมจะของเมืองอุบลฯ สองคนข่อหล่อ เหว่ยย ย่านตะมีหมู่บ้อเหอ พี่น้องกะดาย

ฮ่า ๆ  ๆ

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #3 เมื่อ: กันยายน 16, 2009, 01:13:49 PM »
ยินดีต้อนรับเด้อครับ

ขอให้มีความสุขกับเว็บลูกทุ่งหมอลำเด้อครับ

จั๋งได๋กะทักทายกันแน่เด้อครับ

* 69club

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #4 เมื่อ: กันยายน 16, 2009, 01:28:55 PM »
ได้ยินซื่อของอ้าย โดนใจหลายเด๊ะคุณพี่    นามอ้ายแปลกอีหลี บ่าวโจ่โล่ มาโก้แท้...แม่ตั้งให่หรือตั้งเอง

บ่ต้องเกรง เด้ออ้าย น้องเข่ามาทักทาย ย้อนอยากเว้านำโต๋พี่ มาเด้ออ้ายมาทางพี้ โต๋น้อง สิแนะนำ

อ้ายสมัครแวะมาก้ำ ทางเวปดอกของเฮา  มีแต่ม่วนบ่มีเมา  เต้ยยย!!! อย่างเดียวดอกเด้ออ้าย

คันบ่เซื่อให่อ้าย ลองไปถามอ้ายซาย ขาเดฟ ดอกลองเบิ่ง....ว่าเวปมีแต่เหิ่ง สมาชิกหลายแท้ๆ หรือว่าน้องหนิตัวะอำ

บ่เว้าหลาย แล้วซ้ำ ขอต้อนรับเป็นทางการ  ยกมือไหว้ งามๆ ต้อนรับดอกทางอ้าย

มียังม่วน มีหยังห่าว  มีทั้งเรื่อง ทั้งข่าว เอามาส่งกันคุณพี่....

เวปนี้อบอุ่นดี มีแต่พี่แต่น้อง....ลองอ้าย มาเบิ่งเอา....ซั้นแหล่ว.....55555+

*-*-*-*--*-*-**-*-*-*--

อ้ายโจ่โด้ยินซื่อมาโดนแล้ว ดีใจหลายที่อ้ายแวะทางเวป เฮา จั่งใด๋กะอย่าลืม มาม่วน มาซื่นนำกันเด้ออ้ายยยยยยยย

ม่วนอีหลีเด๊ะ เวปนี้ บ่เซื่อ ถามขาเดฟ ซายหล่า บุตรสุดที่รักคนเดียวของ มาดามศรี โลด.......เพิ่น เต้ยยย!!!~ เบิ๊ดคืนอ้าย 5555+

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #5 เมื่อ: กันยายน 29, 2009, 10:15:07 PM »

โอ๊ยเนาะ อ่านคำตอบน้องสาวหล่ะ บ่มีหม่องไปเอาโลด ฮ่า ๆ  ๆ

แจ่ม ๆ คักน้อง ขอบคุณหลาย ๆ สำหรับการต้อนรับครับผม

ถามว่าชื่อมาแต่ไส กะจักสิว่าแนวได๋ เผยแพร่ออนไลน์ บ่ได้ตั๊วน้อง

พ้อหน้าจั่งสิเว้าให้ฟังเด้อน้องเด้อ ฮิ้วววววววววววววววววว

* 69club

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #6 เมื่อ: กันยายน 30, 2009, 10:43:29 AM »
คักเนาะ อ้าย โข่โล่  โอ๊ะ อ้ายโจ่โล่ นี้กะด๋าย

มื้อนี้บ่บอกมื้อหน่า กะต้องบอกคือเก่า

อยากไปเด๊  อยากไปมอมเหล่า โอ๊ะ บ่แม่น บ่แม่น 

อยากไปกินข้าวกับอ้าย....คือสิดี 

กินอิ่มพี แล้วแล้วกะเต้ย ไปเลยๆ มีแต่ม่วน

น้องนี้ขอเซิญ ซวน อ้ายโจ่โล่เด้ออ้าย

มาเลี้ยงน้อง.......แหน่เป็นหยัง

Re: ... ขอฝากโต ฝากใจ เป็นน้องใหม่ จักคนแน่เด้อครับ ...
« ตอบกลับ #7 เมื่อ: ตุลาคม 01, 2009, 11:29:19 AM »
พี่น้องเอ๊ย...
" ตกพอศอสองพันห้่า ประชาไทยมาใจต่าง แท้น้อ
  เพลงฝรั่งเปิดเปรี้ยงปร้าง  พิณแคนฮ่าง แม่ใหญ่เอ๊ย
  พากันหัวเว้าเย้ย ธรรมเนียมเก่า แต่คราวหลัง
  พากันซังมูลมังโต ไปเห่อโซแต่ของนอก
  เพลงสตริงสะตอก บอกว่าม่วนทันสมัย
  เปิดหมอลำเผิ่นอยากอาย มาต่ำหลายเหมิดลายโก้
  เห็นของโตเป็นของถิ่ม ไปหลงซิมจิ้มของใหม่
  เหมิดแต่บุญตายาย ลายอิสานที่อ่อยเว้า...สิเหลือเค้าแหน่บ่อน้อ "
  ซ่อยกันอนุรักษ์วัฒนธรรม  มูลมังเฮาไว้โดนๆเด้อครับ
 " บ่าวพนมไพร "

 




...